كشف أنس مالكي، قائد أمن نائب رئيس مصلحة الهيئة الحضرية، مسؤول عن قاعة القيادة والتنسيق وعضو بلجنة مديرية الأمن الرياضي، عن الاستعدادات التي تسبق التظاهرات الرياضية الكبرى وأيضا المباريات الوطنية المحلية.
وقال مالكي خلال استضافته في حلقة استثنائية من برنامج “ميد سبور”، على إذاعة “ميد راديو”، على هامش التغطية الخاصة لأيام الأبواب المفتوحة للأمن الوطني بمدينة أكادير، أن “الحمد لله عندنا أطر أمنية كفئ شابة واللي كتقوم بالعمل ديالها على أكمل وجه واللي خضعت لدورات تكوينية داخل وخارج أرض الوطن، وكاين تأطير أيضا من قبل القيادات الأمنية وكاين تعليمات من قبل السيد المدير العام للأمن الوطني في هاد الصدد لأننا كيف كنعرفو التظاهرات الرياضية كيكون فيها حجم كبير ديال المشجعين وباش تقرا السيكولوجية ديال المشجعين ماشي ساهل حيت كل واحد والعقلية ديالو يعني خاص قراءة”.
وأضاف “بالنسبة للمغرب كنشوفو على حسب الظرفية، حيت كاين جوج فرق اللي كيلعبو الفريق المحلي والفريق الزائر، ملي كنقولو الفريق المحلي والزائر يعني خاصنا نديرو قرائة قبل، واش كاين صراعات بين هاد الفريقين، وواش كاين تألق على مستوى البطولة حيت يلا كان الفريق المتصدر والوصيف را باينة غادي يكون عدد مهول من الجماهير”.
وأضاف “وبالنسبة ملي كتكون شي تظاهرة كبيرة كيكون تنسيق داخل المديرية العامة للأمن الوطني مع القيادة الأمنية اللي غادي تحتضن هداك الحدث الرياضي”.
وتابع “قبل كل مباراة كتكون اجتماعات مسبقة داخل المديرية واللي كيشرف عليها رئيس القسم الرياضي واللي كتكون عندو مجموعة من المعطيات والبيانات حول المقابلة وكيفية تأطيرها وواش مقابلة كبيرة واش غادي يكونو ضيوف شرف كبار”.
وواصل أنس مالكي حديثه بالقول “الحمد لله تلقينا تكوينات في هاد الصدد، المهم هو التواصل مع المشجعين والمواطنين، واليوم عندنا آليات اللي كتسمح لينا نهضرو مع المشجعين”.
وشدد على انه “الحمد لله عندنا مشجعين مأدبين وأبانوا على هاد الشي في قطر يعني كانو منظمين وكان تأطير من قبل مسؤولين أمنيين، وكانت مواكبة وتتبع ومراقبة ديالهم وخاضعين للضوابط والقوانين ديال الدولة الشقيقة”.
https://www.facebook.com/share/v/EstTrr2xJRmbtPQL/?mibextid=TGkgF5
