قال وزير الشغل وإعادة الإدماج، محمد أمكراز، إن وصف الحكومة بأنها عاجزة عن توفير فرص شغل للشباب الذين يعانون من البطالة، ليس بالوصف الدقيق، مشيرا إلى أن الحكومة من مهامها توفير الشغل للشباب “اللي كيحتاجوا واللي ما كيحتاجوش”.
وأوضح أمكراز، في رده على سؤال حول ارتفاع معدل البطالة بين الشباب، أمس الثلاثاء (17 دجنبر) في مجلس المستشارين، أن “الحكومة تحاول وتبذل مجهود، وكنتسائل واش المجهود كافي وممكن يسد الخصاص اللي فالمغرب كلو، أنا كنقوليك يلا استطعنا أننا نسدو هاد الخصاصات كلها صافي انتهينا”.
وأضاف الوزير: “المغرب باقي كاينة حاجة كبيرة في ما يخص البطالة، وما كاينش إقصاء لحملة الشهادات، وما كينش إقصاء للأطر العليا، بالعكس جميع المباريات اللي كتتنظم كيستفدوا منها ناس حاملي الشهادات، والبرامج الكبيرة اللي تدارت فالمغرب تدارت لامتصاص البطالة ديال الخريجين”.
ونبه المتحدث إلى ضرورة الالتفات إلى الأشخاص غير حاملي الشهادات “رغم أن هناك برامج أخرى تهتم بهم”، معتبرا أنه “إلى حدود اللحظة الأرقام اللي كتعلن من طرف المندوبية السامية للتخطيط فيما يخص البطالة، هي ماشي سيئة جدا وليست جيدة جدا، هي أرقام تعبر عن الوضع ديالنا”.
وأشار الوزير إلى أنه “بالنسبة إلى الشباب ما بين 15 و24 سنة، فيهم 26 فالمائة ديال البطالة”، معتبرا أن “هذا الأمر طبيعي لأن الفئة الأكثر نشاطا فالمجتمع هي الشباب، وهادا هو الواقع وماشي غي فبلادنا”، على حد تعبير أمكراز.
ولافت المسؤول الحكومي إلى أن المخطط الوطني للتشغيل “حقق انجازات مهمة أيضا، وما يمكنش نغفلو عليها لأنه رغم هاد الأرقام هناك برامج موجهة وتحقق أرقام، مثلا فهاد السنتين تم إحداث حوالي 500 ألف منصب شغل، منها 140 ألف فالقطاع العام، و341 ألف فالقطاع الخاص”.
وقال الوزير: “طبعا هاد الشي مسؤولية الحكومة، وحق هادوك الناس على الحكومة ماشي توفر ليهم الشغل ولكن أن تساهم في توفير الآليات التي توفر لهم الشغل، من خلال دعم القطاع الخاص، من خلال البرامج، من خلال التأهيل من خلال التكوين، من خلال مجموعة من البرامج اللي كتدار اليوم”.
وأضاف: “طبيعي أنه خاص مجهود إضافي وخاص مجهودات كبيرة، وتعاون ديال الجميع من أجل أننا نوفر الشغل ماشي لهاداك اللي كيتظاهر فقط ولكن لجميع المغاربة، اللي كيتظاهر واللي ما كيخرش يتظاهر خاصنا ننتبهوا ليه ونوفرو ليه الشغل”.
