• المغرب ضد مالاوي.. البورندي ندابيها يقود المباراة وحكم تونسي للڤار
  • خبى الحشيش فالليمون.. بوليس مراكش يلقي القبض على بزناس في محطة القطار
  • بدون فجر وحكيمي.. المنتخب الوطني يجري حصة تدريبية استعدادا لمواجهة الملاوي
  • ديربي لندن.. حكيم زياش يسجل هدفا عالميا ويرد على الانتقادات
  • حاولوا الهرب من مخيمات القهر.. جنود جزائريون يعتقلون 4 عناصر من البوليساريو
عاجل
الإثنين 13 ديسمبر 2021 على الساعة 12:30

وكالة أسفار: بعض المغاربة العالقين فالخارج عايشين التشرد ولوطيلات ما عقلوش عليهم

وكالة أسفار: بعض المغاربة العالقين فالخارج عايشين التشرد ولوطيلات ما عقلوش عليهم

أفاد طاهر المير، مسير وكالة أسفار، بأن مجموعة من المغاربة العالقين في الخارج بسبب تعليق الرحلات في اتجاه المغرب، في وضعية مزرية ويعيشون التشرد.

ناس مشردين
وقال المير في اتصال مع موقع “كيفاش”، إن “الناس واحلين فالخارج ومشردين والأوطيلات ما عقلوش عليهم”، مشددا على أنه “كاين اللي كان معول يدوز سيمانة فتركيا يفوج صدق مشرد هو وليداتو، وكاين ناس اللي خلاو وليداتهم هنا فالمغرب وهما واحلين فمدريد… صراحة كاينة كارثة بكل ما تحمل الكلمة من معنى”.

وأضاف مسير وكالة الأسفار أن وكالته على تواصل دائم مع زبنائها، قائلا “حنا على تواصل مع الزبناء ديالنا صباح وعشية… طرقنا جميع الأبواب باش يعطيونا الحق نظمو رحلات استثنائية باش نرجعو الناس ولكن ما كاينش اللي كيتواصل معانا”.

رحلات استثنائية
وتابع “كنشوفو فالموقع الرسمي ديال لارام أنها مبرمجة رحلات من المغرب للخارج… أما من الخارج للمغرب ما كاين حتى شي خبار، والقنصليات كاملين طافيين التيليفون وما كيجاوبو حتى واحد”.

وواصل المير حديثه بالقول “كنعيطو لارام ما كيجاوبوناش واخا تبقى تعيط حتى للصباح ما كاينش اللي يديها فيك… كندخلو للصفحة ديالهم الرسمية فتويتر هي اللي كتعطينا يلا كانت شي رحلة كنشوفوها”.

وأكد المير أن “ما زال ما تنظمات حتى شي رحلة استثنائية، كل مرة كندخل نشوف ما كنلقى حتى شي رحلة من الخارج للمغرب ما زال مانعين منعا كليا”.

وختم حديثه بالقول “حنا كنتسناو بفارغ الصبر”.

إقرأ أيضا: خبار الخير.. “لارام” تشرع في إعادة المغاربة العالقين في الخارج

سبب السفر.. التفواج والعلاج
يذكر أن عدد من المغاربة وجدوا أنفسهم عالقين في عدد من الدول، وذلك بعد قرار السلطات المغربية تعليق جميع الرحلات المباشرة للمسافرين في اتجاه المملكة المغربية.

وكان موقع “كيفاش” قد تواصل مع بعض المواطنين، حيث أكد عدد منهم أنهم لا يتوفرون على المال أو المسكن، بحكم عدم تحسبهم لهذا الوضع الذي جاء مفاجئا لهم جميعا، مشيرين إلى أن من بينهم عالقون كانوا يعولون على قضاء أيام قليلة فقط، باعتبار أن سفرهم كان لدواع صحية.

وقالت حنان، مغربية عالقة في تركيا، في اتصال مع الموقع، “خديت كونجي ومشيت لتركيا على أساس ندوز غير 2 سيمانات ونرجع، صدقت دابا حاصلة هنا”.

وأضافت “ملي خرج القرار صافي قلت نرجع بحالي ولكن لقيت الزحام والأثمنة طالعين للسما… والمشكل دابا ما عرفتش واش غير 2 سيمانات، ويحلو ولا يبقاو سادين وما دايراش بحساب هاد الشي”.

ومن جهة أخرى أكد شاب يدعى عبد الرحيم، عالق في إسبانيا، أنه ذهب رفقة والده لتلقي العلاج إلا أنهم وجدوا أنفسهم عالقين هناك، بعد توقيف الرحلات.

وأضاف “أنا جيت مع الوالد مريض على أساس هاد الخميس كنا غادي نرجعو لبلادنا… ودابا ملي وقفوا الرحلات ما عرفنا شنو نديرو”.

وأضاف “المشكل المصاريف غالية فين غادي نبقاو جالسين”.

إقرأ أيضا: https://kifache.com/%d9%83%d8%a7%d9%8a%d9%86-%d8%a7%d9%84%d9%84%d9%8a-%d9%85%d8%b4%d9%89-%d9%8a%d8%af%d9%88%d8%b1-%d9%88%d9%83%d8%a7%d9%8a%d9%86-%d8%a7%d9%84%d9%84%d9%8a-%d9%85%d8%b4%d9%89-%d9%8a%d8%aa%d8%b9%d8%a7%d9%84/

قرار السلطات
وكانت السلطات المغربية قد قررت تعليق الرحلات المباشرة للمسافرين من وإلى المغرب لمدة أسبوعين، ابتداء من الإثنين 29 نونبر الماضي على الساعة الحادية عشرة ليلا و59 دقيقة، بسبب الانتشار السريع للمتحور الجديد لكوفيد-19 أوميكرون، خصوصا بأوروبا وإفريقيا، قبل أن تقرر تمديد هذه المدة إلى تاريخ لاحق.

إقرأ أيضا: بسبب “أوميكرون”.. المغرب يقرر تعليق جميع الرحلات الجوية في اتجاهه

وأيضا: عاجل.. تمديد تعليق الرحلات الجوية من وإلى المغرب