• سابقة.. امرأة مصابة بالفشل الكلوي تنجب طفلا في مراكش (صور وفيديو)
  • مدرب الهلال السعودي: الوداد فريق صعب… والمباراة أمامه تعد بالفرجة والتشويق
  • بشرى لمهنيي النقل.. الحكومة تُحدد موعد صرف الدفعة التاسعة من الدعم المباشر
  • بقى أيام حتى تحللت الجثة.. وفاة مهاجر مغربي في إيطاليا وحيدا في منزله
  • قبل مواجهة الهلال السعودي في الموندياليتو.. أجواء حماسية في آخر حصة تدريبية للوداد !
عاجل
الإثنين 26 ديسمبر 2022 على الساعة 17:00

والد عبد الحق نوري: ولدي فرح بزاف ملي شاف اللعابة دالمنتخب هازين التوني ديالو فقطر وحتى حنا بكينا بالفرحة (فيديو)

والد عبد الحق نوري: ولدي فرح بزاف ملي شاف اللعابة دالمنتخب هازين التوني ديالو فقطر وحتى حنا بكينا بالفرحة (فيديو)

عبر محمد نوري، والد اللاعب المغربي عبد الحق نوري، عن سعادته وفرحته بالالتفاتة التي قام بها طاقم المنتخب الوطني المغربي، عند حمل قميص ابنه بغرفة الملابس، مشددا على أن ابنه فرح كثيرا خلال مشاهدتها.

وقال والد نوري خلال استضافته في برنامج “بدون لغة خشب” إن “أي أب كيتمنى يشوف ولدو رافع الراية ديال بلادو وحنا الحمد لله كنبغيو بلادنا وملكنا وشعبنا”.

وأضاف “حنا فرحانين بالالتفاتة اللي قامو بها طاقم الجامعة من فوزي لقجع ولاعبين والمدرب والطاقم التقني، شفناهم كلهم فهاديك الصورة فرحانين بقميص عبد الحق، وبقوة الفرحة بكينا وكنا محتاجين نشوفو داك الشي ونحسو بالدعم”.

وتابع “وريت لعبد الحق الصورة فرح بزاف وبقى كيشوف فيها وكيبتسم وحنا كنعاودو ليه شنو كاين، وولدي كيعرف أمرابط، وكيعرف مزراوي حيت جا شحال من مرة بات معاه فالدار، وزياش حتى هو كان صاحبو وفاش وقعت الواقعة را كان جالس معاه فنفس الغرفة فالأوطيل فالنمسا، هاد الصورة غتبقى خالدة في التاريخ”.

<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2FMEDRADIO.OFFICIEL%2Fvideos%2F530186239048414%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

وأشار والد اللاعب عبد الحق إلى أن “هاد الخطوة اللي دارو الأسود عجبات الناس بزاف اللي عيطو ليا من العالم”، مضيفا أنه “النهار اللي دارو هاد الالتفاتة كنت معروض للقصر الملكي فأمستردام، كان واحد الحفل كيعطيو جوائز لبعض الفنانين عالميين ومنهم فنان مغربي كاين فكازا، وتما تلاقيت بسفير جلالة الملك وتكلمت معاه شوية، ومن بعد جا عندي ملك هولندا وسولني على الحالة ديال عبد الحق وقال ليا بلي عجباتو الالتفاتة اللي دارو اللاعبين ومتبع الحالة ديال عبد الحق كاملة وكيعرف عليه كلشي وقال ليا بلي حتى هما عاشوا نفس الحالة مع خوه ملي كان مريض كانت هضرة زوينة معاه”.

وكان لاعبو المنتخب المغربي قد أهدوا فوزهم على المنتخب الإسباني من غرفة الملابس بملعب المدينة التعليمية بقطر، للاعب المغربي المصاب بتلف دماغي منذ سنة 2017 عبد الحق نوري.