• على إثر الزلزال المدمر.. برقية تعزية ومواساة من جلالة الملك إلى الرئيس التركي
  • لصقها فالبرد.. مصدر حكومي يؤكد أن “الجو البارد وراء ارتفاع الأسعار”!!
  • زلزال تركيا.. سفارة المغرب توجه بلاغا هاما للمغاربة الذين يبحثون عن عائلاتهم
  • بعد الزلزال المدمر.. إسرائيل ترسل فرق إنقاذ إلى تركيا (صور)
  • إصابة ثمانية من عناصر الأمن.. بوليس مكناس يوقف تسعة أشخاص متورطون في الشغب الكروي
عاجل
الإثنين 26 ديسمبر 2022 على الساعة 15:30

والد عبد الحق نوري: فاش وصلني الخبر ديال إصابة ولدي كنت فالمغرب… ومن هاديك الوقت حياتنا تبدلت (فيديو)

والد عبد الحق نوري: فاش وصلني الخبر ديال إصابة ولدي كنت فالمغرب… ومن هاديك الوقت حياتنا تبدلت (فيديو)

أعاد محمد نوري، والد اللاعب المغربي عبد الحق نوري، ذكرياته المؤلمة لحظة علمه بتعرض ابنه إلى سكتة قلبية، خلال مباراة ودية في النمسا، يوم 8 يوليوز سنة 2017، والتي جعلته يعاني من أعراض خطيرة ودائمة على مستوى الدماغ وغيبوبة طويلة الأمد.

وقال والد نوري خلال مروره ضيفا على برنامج “بدون لغة خشب”، اليوم الاثنين (26 دجنبر)، إنه “الوقت اللي تصاب فيه عبد الحق أنا كنت فالمغرب، كنت كنصلح فالدار فبركان، وهداك العام كنت عوال نجيب ولادي لبركان يشوفو العائلة”.

وأضاف “مع الإصلاحات نسيت را كاين الماتش وولدي غيكون لاعب، حتى بداو الناس كيعيطو وكيبان ليا الميصاجات كيوصلو بزاف، وفاش قلبت التيليفون لقيت الخبار سخفت ووليت فحالة صعيبة وما عرفتش واش كنحلم ولا شنو”.

<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2FMEDRADIO.OFFICIEL%2Fvideos%2F530186239048414%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

تابع ” بغيت نمشي وأقرب مطار كاين هو ديال وجدة، مشيت ودزت من بزاف ديال الدول عاد وصلت للنمسا، المهم وصلت للمستشفى اللي ناعس فيه ولدي لقيت البروفيسور اللي مكلفة به بقات كتبكي كتقول ليا أنا 20 عام اللي دوزت فهاد الخدمة وعمرني تأثرت كيف تأثرت بالحالة ديال ولدك وبقات كتبكي عليه”.

وواصل “دزنا من حالة صعيبة وما كناش كنحسو براسنا وما تيقناش حتى داز الوقت بزاف عاد قلنا راه بصح هاد الشي واقع لولدنا، والحمد لله على كلشي”.

وختم حديثه بالقول “الحياة ديالنا تبدلت وكلنا تأثرنا من بعد الواقعة ديال عبد الحق وجاتنا صعيبة بزاف، ولكن بقينا كنشجعو بعضياتنا وكنقراو القرآن وكنرتاحو شوية، ولكن الأم ديالو كانت وما زال متأثرة بزاف”.