• بعد ما لقاو عندهم متحور “أوميكرون”.. جنوب إفريقيا تصِف إغلاق الحدود الجوية معها بـ”العقاب”
  • بنموسى: التعاقد ما بقاش… وكنسقو مع النقابات باش نلقاو الحلول
  • غادي يحماقو.. “نظام الكابرانات” يتهم المغرب باستهداف منتخبه لكرة القدم
  • الاقتصاد الأخضر والإدماج والرقمنة.. رهانات البنك الأوروبي للتنمية في المغرب
  • بعد ظهور المتحورة “أوميكرون”.. المغرب يضع إجراءات جديدة للدخول إلى المملكة
عاجل
الجمعة 14 يونيو 2019 على الساعة 18:00

مشا حمد الله خاص نديرو حداد.. انتقادات لفيصل فجر بسبب ستوري على إنستغرام

مشا حمد الله خاص نديرو حداد.. انتقادات لفيصل فجر بسبب ستوري على إنستغرام

مغادرة عبد الرزاق حمد الله لمعسكر المنتخب المغربي والتصرف غير المسؤول اللي دار، ما زال الصداع ديالو تابع اللاعبين ديال المنتخب، وبعض المتابعين ديال الشأن الكروي بلاصة ما يشجعو المنتخب رجعو بغاو يحرمو على اللاعبين عيشتهم وما بقى ليهم والو يقولو ليهم ديرو حداد حيت حمد الله مشا. كيفاش؟

اليوم الجمعة (14 يونيو) لاعب المنتخب فيصل فجر كالعادة حط فيديو على موقع إنستغرام، كيشطح فيه هو ونبيل درار، هاد الفيديوهات اللي كانت كتلقى ترحيب كبير من عند الجمهور المغربي، رجعات “حرام” وممنوعة والسبب هو رحيل حمد الله، الشيء اللي خلا فيصل فجر يمسح الفيديو بعد دقائق.

دابا هاد المتابعين بغاو اللاعبين المغاربة يدخلو في حالة حزن وانهيار نفسي، حيت واحد اللاعب قاليه راسو يخرج من المنتخب، بمعنى أن حمد الله كبر من المنتخب اللي كيمثل دولة على قدها.

اللي كان كيشجع حمد الله، حمد الله راه مشا فحالو، واللي كيشجع المنتخب المغربي راه المنتخب ما زال كاين، واللي على الجمهور هو مساندة الأسود اللي قابلين التحدي وبغاو يجيبو لعز البلاد.