• جاية من هاك.. تبون ما بقاش قادر ينطق اسم المغرب!
  • حملت الحكومة مسؤولية “الاحتقان الاجتماعي”.. نقابة تدعو أخنوش إلى الإسراع بفتح حوار اجتماعي ثلاثي
  • تزامنا مع اليوم العالمي لمناهضة العنف ضد المرأة.. مندوبية السجون تحتفي بـ”النزيلات المتميزات”
  • مضادة للمتحورة اوميكرون.. موديرنا تعلن أنها ستطور جرعة معززة
  • صفاها لصحراوي من مخيمات تندوف.. جريمة جديدة للجيش الجزائري!
عاجل
الثلاثاء 16 نوفمبر 2021 على الساعة 16:00

مدرب الأسود الأسبق لـ”كيفاش”: فالعهد ديالنا كانت الكرة وما كانتش النتيجة… المهم دابا هو الرباح

مدرب الأسود الأسبق لـ”كيفاش”: فالعهد ديالنا كانت الكرة وما كانتش النتيجة… المهم دابا هو الرباح

أكد الناخب الوطني الأسبق، حسن مومن، أنه يجب على مدرب المنتخب الوطني الحالي، وحيد خليلوزيتش، أن يقوم ببعض التغييرات في مباراة اليوم المرتقبة بين أسود الأطلس ومنتخب غينيا، في الرباط.

وقال الناخب الوطني الأسبق، في تصريح لموقع “كيفاش”، إن “خليلوزيتش دابا ضمن التأهل، ولكن خاصو يجرب وليدات آخرين باش حتى هما تعطاهم فرصة، ويولفو راسهم فالمنتخب الأول، ويضمن تركيبة أخرى وكلشي مستوى واحد”.

وأضاف: “خاص على الأقل يبدل النص فالفرقة فهاد الماتش، حيت را لقى التشكيلة ديالو الرسمية فالماتشات اللي قبل”.

وبخصوص أداء الأسود في المباريات الماضية، قال مومن: “أداء مزيان والمدرب راه خدام وبدل المنتخب كامل وخاص تعطاه شوية الوقت، المهم هو أنه كيربح”.

وتابع “حنا كنا كنفرجو وما كانتش النتيجة ولكن هاد المدرب واخا ما كاينش تيكي تاكا والكرة اللي كيبغي الجمهور النتيجة كاينة”.

وأشار إلى أن “هاد الماتشات اللي فاتو كان عندنا شوية الحظ، حيت تلعبو كاملين فالمغرب ولكن ملي غادي يكونو الماتشات فالكامرون راه غادي تكون الحرارة وشحال من حاجة مبدلة، وأنا ما كرهتش المعسكر يدار فالكامرون باش يالاه الدراري يولفو شوية”.

وختم حديثه بالقول: “كنطمحو باش نديو كأس إفريقيا راه من 76 ما فاز به المنتخب كنتمناو نحققوه مع هاد المدرب”.

يذكر أن المنتخب الوطني سيواجه، اليوم الثلاثاء (16 نونبر)، المنتخب الغيني، في الساعة الثامنة مساء، على أرضية المركب الرياضي الأمير مولاي عبد الله في الرباط، وذلك برسم الجولة السادسة من منافسات المجموعة التاسعة ضمن الإقصائيات الإفريقية المؤهلة لكأس العالم لكرة القدم -قطر 2022.