• مراكش.. البوليس يفك لغز جثة مرمية في الخلاء
  • مقتل طالب مغربي في كندا.. فين وصلات التحقيقات؟ وفين غيدفنوه؟
  • عوتاني “مالك مزغب”.. انتقادات تطال الجامعة بعد إقالة وحيد خليلوزيتش!
  • طنجة.. ثلاثيني يلقي بنفسه من أعلى سطح عمارة سكنية
  • كانت جاية لطنجة.. توقيف سيدة من أصول مغربية متورطة في قضية مخدرات
عاجل
الجمعة 08 يوليو 2022 على الساعة 20:00

ما تّيقوش أي حاجة ماشي رسمية.. نِزاع البوليس في مطار كازا ومُعاقبة 17 شرطي غير كذوب!

ما تّيقوش أي حاجة ماشي رسمية.. نِزاع البوليس في مطار كازا ومُعاقبة 17 شرطي غير كذوب!

طارق باشلام

بعض الأخبار الرائجة على مِنصّات التواصل الاجتماعي، أقل ما يُقال عليها إنّها ادعاءات مغلوطة وغير صحيحة، اللي مامسموحش بيه، هو لكذوب فالفيسبوك، اللي ردوه شي ناس “فيكـ بوك”.

آش واقع؟

آخر هاد الأفلام وحشومة نسميوها أخبار مغلوطة، أن مسافر أجنبي في مطار كازا تسبب في نزاع بين البوليس، زعما هو الشيطان بصفة بنادم، وتعاقبو منهم 17 شرطي بعقوبات تأديبية بسبابو.. واش زعما خاصنا مجهود باش نعرفو باللي هي مجرد قصة خرافية لا أساس لها من الصحة؟

القصة بدأت مع واحد الخبر ماشي صحيح، ومنشور بعنوان “تجاوزات وظيفية ونزاع فيما بينهم بسبب مسافر أجنبي”. صاحب “الخيال الواسع” أورد في خبره أن مصالح الأمن الوطني أصدرت قرارات تأديبية تقضي بالتوقيف المؤقت عن العمل، في حق (ماشي بوليسي ولا زوج)، 17 شرطي يعملون في مطار محمد الخامس الدولي في الدار البيضاء، يعني هذا بغا يخوي لينا المطار من البوليس.

كيفاش وعلاش؟

مصالح الأمن الوطني بطبيعة الحال ولتنوير الرأي العام الوطني، نفت بشكل قاطع، ما راج من ادعاءات غير صحيح، وزادت باللي ما كان لا نزاع ولا والو بسبب مسافر من جنسية أجنبية، وما كان حتى شي إصدار لقرارات تأديبية في حق عناصر الأمن الوطني العاملين بمطار الدار البيضاء.

وما وقفتش المديرية العامة للأمن الوطني على التكذيب، كتأكد دائما باللي موجودة على جميع المنصات التواصلية، وباللي هي كتبادر دائما إلى نشر بلاغاتها الرسمية، وأنها على تواصل مع الرأي العام بخصوص نتائج الأبحاث اللي كتقوم بيها بشأن التجاوزات المنسوبة لموظفيها، كلما كانت هناك تجاوزات حقيقية وليست وهمية.