• سباق الهيدروجين الأخضر.. المغرب يستعد لإنتاج وقود المستقبل
  • بالصور.. الرباط “عاصمة الثقافة الإفريقية” في كينيا
  • تكريما وتقديرا لحكمته وشجاعته.. منتدى “الفوبريل” يمنح جلالة الملك “جائزة إسكيبولاس للسلام”
  • الحكومة كتوجد للموسم السياحي.. تفاصيل اجتماع عمل عقده أخنوش لإنعاش القطاع
  • أكادير.. توقيف بوليسي دار كسيدة وهو سكران
عاجل
الثلاثاء 26 أبريل 2022 على الساعة 02:30

ما تشوفوش فالتلفزة والإعلام ولكن تلقاه فـ”وان مان شوو”.. الوزير الجزولي ناشط فعرض كوميدي فكازا (صور)

ما تشوفوش فالتلفزة والإعلام ولكن تلقاه فـ”وان مان شوو”.. الوزير الجزولي ناشط فعرض كوميدي فكازا (صور)

محسن الجزولي، الوزير المنتدب لدى رئيس الحكومة المكلف بالاستثمار والالتقائية وتقييم السياسات العمومية، اللي ما يبان فتلفزة ما يدوز فراديو ما يدير تصريح ينوض الجدل، حضر، ليلة البارح الاثنين (25 أبريل)، لعرض “وان مان شوو” ديال المخرج محمد أشاور.

الوزير كان من بين الحضور وجلس فالصف الثاني، وشبع ضحك فالعرض ديال “أول مرة” اللي قدمو المخرج محمد أشاور، في “studio des arts vivants” فكازا.


الجزولي اللي كان وزير منتدباً لدى وزير الخارجية والتعاون الدولي مكلفا بالتعاون الإفريقي فالحكومة السابقة، ما كيبانش فالإعلام، باستثناء يلا كان فشي نشاط رسمي، وكاين اللي ماعرفوش كاع واش كاين فالحكومة ديال أخنوش.

الوزير المكلف بالاستثمار والالتقائية وتقييم السياسات العمومية تفرج فالعرض كامل ديال المخرج أشاور، وخرج ضاحك وكيوزع الابتسامات على الحضور، وجا للعرض بلا حراس وتعامل بلا بروتوكول.

محسن الجزولي قرا فثانوية ديكارت فالرباط تماك فين خدا البكالوريا الفرنسية فالقسم العلمي، وعندو باك آخر في علوم الرياضيات، ومن ورى الباك تبع القراية ديالو ففرنسا، فجامعة باريس الجنوبية خدا فيها ماجستير فأساليب تكنولوجيا المعلومات المطبقة على إدارة الأعمال (MIAGE) عام 1986، ومن بعد مشى لجامعة باريس دوفين، وخدا منها الماجستير عام 1991.

من بعد الدراسات العليا ديالو، بدأ محسن الجزولي المسيرة المهنية ديالو عام 1991 في الفرع الاستشاري لشركة “إرنست ويونغ في باريس، وعام 2005 دار الجزولي شركة “Valyans Consulting” وكان هو اللي كيسييرها إلى حدود 2018 فاش تعين كوزير منتدب لدى وزير الشؤون الخارجية والتعاون الدولي المسؤول عن التعاون الإفريقي.