• خاصة بالهيأت العاملة بقطاع التربية الوطنية.. انطلاق عملية الترشيح لامتحانات الكفاءة المهنية
  • أولى جلسات محاكمته يوم 9 دجنبر.. النيابة العامة تتابع زيان بـ11 تهمة
  • تزنيت.. البوليس يوقف متورطين في قضية الإضرام العمدي للنار المفضي إلى الموت
  • خذاها وهرب.. موظف بنكي اختلس ملياري سنتيم في المضيق
  • الكونطر خطة.. المغرب يتزود بالغاز الطبيعي من حقل تندرارة
عاجل
الخميس 18 نوفمبر 2021 على الساعة 15:00

كريمو لـ”كيفاش”: الكرة المغربية ما كتخاف من حتى شي فرقة وأي منتخب يجي بسم الله

كريمو لـ”كيفاش”: الكرة المغربية ما كتخاف من حتى شي فرقة وأي منتخب يجي بسم الله

عزز المنتخب الوطني المغربي تأهله المبكر لمباريات السد بإنهائه التصفيات المونديالية قطر 2022 برصيد 18 نقطة، وذلك بعد الفوز الذي حققه في مباراته الأخيرة أمام نظيره الغيني بمجمع الأمير مولاي عبد الله.

وحول حظوظ الأسود في مباراة “الباراج” رغم العلامة الكاملة، قال الدولي المغربي السابق، عبد الكريم ميري، الملقب بـ”كريمو”، في تصريح لموقع “كيفاش”، “حنا ما كنخافو من حد أي بلد جا بسم الله”، مضيفا “بالنسبة للكرة المصرية ولا الكاميرونية كنعرفوهم هما فرق فمستوى الكبار ونقدرو نطيحو معاهم وخاصنا نكونو مجودين”.

وأضاف كريمو “كيفما شفتو فماتش الكامرون والكوت ديفوار كانت مباراة صعيبة… حيت الفرق الإفريقية اللي كيكونو عندها اللاعبين محترفين خارج البلد كيكونو صعاب”.

وأكد أنه يجب على أسود الأطلس أنهم “يتيقو فراسهم والمنتخب اللي يجي خاصنا نقضيو معاه الغرض حيت كلهم صعاب والكرة الحديثة ما بقى فيها لا صغير لا كبير… المهم ما خاصناش نخافو الكرة المغربية ما خاصها تخاف من حتى شي فرقة”.

وأوضح الدولي المغربي السابق أن هدف المنتخب الوطني الآن هو البلوغ إلى نهائي كأس إفريقيا والذهاب بعيدا في كأس العالم، قائلا “خاصنا نوصلو لنهاية كأس إفريقيا هذا هدف، حيت يلا ما وصلناش للنصف النهائي ولا النهائي فهذا راه خسارة فالكرة المغربية”.

وتابع “كأس العالم كذلك خاصنا نمشيو فيه بعيد هاد الشي اللي بغينا، أما كأس إفريقيا خاصنا نمشيو للفينال بهاد اللعابة والمدرب والإمكانيات اللي عندنا، يلا درنا الثقة ديالنا ومشينا باش نلعبو الكاس ونربحوها غادي نكونو حققنا المبتغى”.