• هادي جديدة.. خميرة الخبز تكشف عن الإصابة بكورونا في 15 دقيقة
  • لشكر مهاجما البيجيدي: كيخدمو بمنطق أنا الحزب الأول خليوني ندير اللي بغيت… وهاد الهضرة الغليظة لن تنطلي على الشعب
  • جدل الدعم المخصص للفنانين.. وزير الثقافة يخرج عن صمته
  • جاهوم قليل.. نقابات تنتقد قيمة دعم الفنانين وتدعو إلى حلول فعالة للمتضررين في القطاع 
  • رئيس شركة عالمية للأدوية: لقاح كورونا لن يحمي الجميع
عاجل
الأحد 01 مارس 2020 على الساعة 12:00

قاليهم بالدعاء.. البوعناني جاب علاج كورونا!

قاليهم بالدعاء.. البوعناني جاب علاج كورونا! 

في الوقت اللي العلماء والأطباء خدامين ليل ونهار يلقاو علاج لفيروس “كورونا”، والدول دايرة جهدها باش الفيروس المستجد ما يزيدش ينتشر، كيخرجو شي ناس بشي أفكار غريبة، صالحة تكون فقرة ساخرة.
اليوتيوبر هشام البوعناني، أو داعية الفايس بوك كيف كيسموه، خرج من فنص الليل ديال اليوم الأحد (1 مارس)، وطلقها تسرح على المتابعين ديالو، وركب على موجة فيروس “كورونا” باش يطلع عدد المشاهدات والبارطاج.
السيد بلاصة ما يستغل عدد المتابعين الكبير اللي عندو، ويقرا عليهم شنو كتبات منظمة الصحة العالمية في الطرق الوقائية من المرض، قال ففيديو المدة ديالو 3 دقائق، باللي “الدعاء كافي باش الواحد ما يتصابش بفيروس كورونا”، وقال باللي قال الدعاء ما عندوش مناش يخاف، وغير يبقى مهني.
وحيت البوعناني لقى علامن يضحك، وشي وحدين من المتابعين ديالو باركين على البارطاج من نيتهم، زاد كملها وقال باللي “سبب تفشي هاد الفيروس هو الزنا والفواحش”، يعني السيد ما عذبش راسو حتى يقرا شنو مكتوب فالمواقع الإخبارية اللي كتنقل من مصادر رسمية، وبغا يخلي المتابعين ديالو يبقاو تابعين هاد الاعتقادات ديال المرض والفيروس كيصيب غير الناس اللي حسب تقديرهم أخلاقهم لا تتماشى مع الدين!
الغريب فهاد الشي، أن سي البوعناني عندو إجازة في اللغة الفرنسية، وحسب مصادر موقع “كيفاش” تقبل في التعليم، واش دابا هاد الأفكار غادي يعود يروجهم للتلاميذ ديالو؟ واش التلاميذ اللي غادي يطلق ليهم الأستاذ ديالهم بحال هاد الأفكار البعيدة عن المناهج العلمية ماشي كارثة بالنسبة لهاد الأجيال؟