• الرعاية الصحية تحت المجهر.. مجلس المنافسة يُكلف مكتب دراساتٍ بإجراء بحث على حوالي 40 مصحة
  • بالصور من تل أبيب.. رئيس مجلس جماعة فاس يقود وفدا إلى إسرائيل
  • صنف الفيلم الوثائقي.. “العَبَّار.. الطريق إلى الكركرات” يُتَوَّجُ بالجائزة الوطنية الكبرى للصحافة
  • كفاءات مهنية في مسؤوليات جديدة.. حموشي يحدث تغييرات في مناصب المسؤولية الأمنية
  • الشتا باقية في نهاية الأسبوع.. نشرة إنذارية تُبشر بأمطار تتراوح ما بين 30 ومائة ملمتر !
عاجل
السبت 01 أكتوبر 2022 على الساعة 11:00

غرائب الصحة.. أم ولدها عندو ميكروب في الراس وملي داتو لصبيطار عطاوها رونديفو في 2023!!

غرائب الصحة.. أم ولدها عندو ميكروب في الراس وملي داتو لصبيطار عطاوها رونديفو في 2023!!

عيش نهار تسمع خبار، أم ولدها عندو ميكروب في الراس وملي داتو لصبيطار عطاوها رونديفو في شهر 7 عام 2023. كيفاش؟

بنبرة صوت حزينة واستياء عارم، عبرت سيدة تنحدر من مدينة حد السوالم، نواحي الدار البيضاء، عن تفاجئها بالموعد الذي حدده لها مستشفى ابن رشد لمعالجة طفلها الذي لا يتجاوز عمره السنة والنصف.

وفي اتصال مع موقع “كيفاش” سردت أم آدم معاناتها مع مرض فلذة كبدها، قائلة “المعاناة ديالي بدات من نهار عرفت راسي حاملة، وملي وصلت لـ5 شهور مشيت عند طبيب اختصاصي ديال الجهاز الهضمي قالي عندي المرارة عامرة ومنفوخة خاصني ضروري ندير عملية، المهم وقعو بزاف دالمشاكيل وجاتني ولادة مبكرة ولدت على 7 شهور”.

وأضافت “ولدي عندو ميكروب في الراس، ودرت ليه قبل عملية على المصارن ملويين، دابا محتاج ينعس في الصبيطار ملي ديتو لابن رشد عطاوني رونديفو نهار 13 في شهر 7 عام 2023، حتى يموت اللي يموت ويعيش اللي يعيش”.

وتابعت “أنا ما بقى عندي جهد حيت خسرت كاع اللي عندي في التحاليل والراديوات، دابا بغيت غير اللي يعاوني ونداوي ولدي، حتى راجلي سمح فيه قال ليا ما عندي باش نداويه، أنا ما نقدرش نبقى نشوف في ولدي كيموت قدامي ويديا مكتفين”.