• الشفرة فكلشي.. معضلة التاريخ والهوية تداهم “كابرانات” الجزائر (فيديو)
  • ناب عنه الوزير السكوري.. كورونا تغيب وزيرا عن جلسة البرلمان
  • أملاح: جاهزون لإثبات قدراتنا في أرض الملعب… ولا توجد مباراة سهلة
  • خليلوزيتش: مالاوي خصم جيد يجب تجاوزه… ولدينا طموح للذهاب بعيدا في الكأس الإفريقية (فيديو)
  • بين مراكش وشيشاوة.. فتيان شباب المسيرة يتعرضون لحادثة سير
عاجل
الجمعة 10 ديسمبر 2021 على الساعة 19:00

علاش ديما “مخنزر”.. حسن مومن يكشف سر تألق عموتة

علاش ديما “مخنزر”.. حسن مومن يكشف سر تألق عموتة

كشف المدرب الأسبق للأسود، حسن مومن، السبب وراء “تخنزيرة” الحسين عموتة مدرب المنتخب الرديف، إضافة إلى جوانب أخرى عن شخصيته وسبب نجاحه.

عموتة.. التدريب والقراية

وقال مومن في اتصال هاتفي مع موقع “كيفاش”، إن الحسين عموتة “إنسان كيحترم المهنة ديالو وكيجتهد باستمرار وكيزاوج بين مهنة التدريب والدراسة”، مضيفا أنه “الآن كيهيئ الدكتوراه ديالو فميدان التدريب، وهذا شرف بالنسبة لينا كاملين كمغاربة أننا نشوفو الأطر ديالنا غادة فهاد الاتجاه”.

وتابع المدرب الأسبق للمنتخب الوطني، أن عموتة “كيدير قراءة جيدة للخصوم ديالو، وكذلك قراءة لإمكانيات اللاعبين اللي عندو”.

مالك مخنزر؟

وحول ظهوره خلال جميع المباريات بصورة “صارمة” و”مخنزر”، قال مومن “عموتة واخا كيبان فالبونتوش شوية معصب وصارم، إلا أن اللاعبين كاملين كيموتو عليه، وكيحترمو التعليمات ديالو، ومعاه كيبدعو ومعاه كيخرجو أحسن ما عندهم”.

وأضاف “جميع المحطات اللي اشتغل فيها لا مع الوداد ولا الفتح ولا الخميسات وغيرهم… كلهم اللاعبين كيبغيوه يعطيو أكثر ما عندهم خلال المقابلات، وباش المدرب يخرج من اللعاب كل ما عندو فخاص تكون الاحترافية والثقة المتبادلة، وهاد المسائل هي اللي كدير القوة ديال عموتة وكنتمناو ليه التوفيق فهاد المشوار”.

وتابع “عموتة إنسان محترف وكاع اللعابة اللي كانو معاه وصلو لقمة العطاء ديالهم، وهاد المسألة كتبين على الصرامة والحب اللي بينو وبين اللعابة والثقة اللي بيناتهم”.