• مراكش.. البوليس يوقف عصابة متخصصة في سرقة الأسلاك الهاتفية
  • تزوير الشواهد والدبلومات.. بوليس مراكش يوقف موالين الفعلة
  • شايلاه آ سبعة رجال.. رياض محرز يختار مراكش لقضاء عطلته
  • جلالة الملك معزيا في الفنانة سكينة الصفدي: سيظل اسمها خالدا في سجل الأغنية الغيوانية
  • لاستعادة مقعده البرلماني.. قيادة البام تعلن رسميا دعمها للحموتي
عاجل
الأربعاء 20 أبريل 2022 على الساعة 02:47

عطاه القاصح.. أبو حفص يرد على تصريحات الداعية ياسين العمري حول انتقاده الشيخة

عطاه القاصح.. أبو حفص يرد على تصريحات الداعية ياسين العمري حول انتقاده الشيخة

دخل الباحث في الفكر الإسلامي محمد عبد الوهاب رفيقي المعروف بـ “أبو حفص” على خط الجدل الذي أثارته تصريحات الداعية ياسين العمري، أخيرا، حول المسلسل الرمضاني “المكتوب”.

وفي تصريحاته، وصف الداعية العمري مسلسل “المكتوب” بالـ”باطل” وقصته بالـ”ساقطة”، كما انتقد تسليط الضوء على “الشيخات”.

وعلق أبو حفص بدوره على تصريحات الداعية العمري، وكتب في تدوينة على حسابه الرسمي على الفايس بوك: “أنا تنتفرج ف مسلسل “المكتوب” حيت تيعجبوني المسلسلات بغرض الترفيه والتسلية، ماشي باش ناخد منهم الدروس والعلم، وتنتفرج حيت تيعجبوني ماشي ديك اللعيبة لقدييييمة ديال تنتفرج لمعرفة الشر ولكي ننتقده، ايوا تفرج حتا ف pornhub باش تعرف حجم ما فيها من إباحية ومن “منكر” لترد عليها وتستنكر ما فيها من “وضعيات”مخالفة للدين والشريعة”.

وتابع: “ما علينا أنا تنتفرج ف “المكتوب” لأنو عمل مغربي، واخا الريتم ثقيل شويا ولكن السيناريو محترم، والأدا زوين لاديال بوتازوت والناجي كالعادة، ولا ديال الاخرين خاصة لبنى شكلاط زوجة المنشط الاذاعي ديال ميد راديو سي هشام، ولا البنت لي دات دور سليمة لي برعات ف تشخيص البنت الشريرة”.

وبخصوص موقفه من المرأة الشيخة التي انتقدها الداعية العمري، علق أبو حفص “أما الشيخة فهي جزء من ثقافتنا وفئة من فئات المجتمع، وبالتالي من حق الدراما تعطيها حقها وهو امر يحسب ليها، الشيخة بحالها بحال كل الفئات، ماشي ملاك وماشي شيطان، ماشي بالضرورة تكون شي حاجة خايبا، وماشي بالضرورة تكون مقاومة ومناضلة، هي ككل الشعب، كما تنصورو فئات أخرى من الشعب بمختلف سلوكياتها، تنصور الشيخة لي دمرات علا بنتها وقراتها وعزيز عليها صحاباتها ومنساتهمش، و ف نفس الوقت الأم لي تتشجع بنتها على الزواج بواحد لمجرد انو غني”.

وأضاف: “عموما برافو لفريق العمل، وايلا بغيتي تنتقدو انتقد بوطازوت والناجي انهم مخرجوش من واحد صورة نمطية، قول ان التشخيص ديال لي مثل راجل سليمة مقنعكش، ماشي تحكر فقط على الشيخة لأنها “امرأة” مع ان المسلسلات تيهضرو على الشمكارا وعلى القتلة وعلى المجرمين وعمرك قلتي لينا هدا تطبيع مع الشمكار ، علاش مداروش واحد ف الدرب تيقرا القران، وسولهم دربهم شحال فيه من شمكار علاش سولتيهم غي علا الشيخات؟ لانها امراة بكل اختصار”.

وجاء في ختام تدوينته: “ولكن شنو ممكن تسنا من شخص تيحرم حتى سماع موسيقى كلاسيكية؟ اش بغيتي يقول ف شيخة؟ انما لي تنتعجب ليه هو ما الناس لي عاجباهم ديك الهضرة وتيطبلو ليها وف الاخير هوما السباب ف اننا نكونو ف اول الدول متابعة للمواقع الزرقاء خلال رمضان… قمة التخاصم مع النفس الله يحضر السلامة”.