• شدوه حي.. توقيف شخص متلبس بمحاولة اغتصاب طفل في طنجة (فيديو)
  • لمدة سنتين.. الرجاء يضع علامة “صوفاك” على قمصانه (صور)
  • من عدنان مرورا ب”قاصرات الزميج” وصولا إلى نعيمة.. صدمة وسط المغاربة جراء تصاعد الجرائم المرتكبة ضد الأطفال
  • نواحي تارودانت.. فتاة تضع شكاية ضد والدها تتعلق بزنا المحارم والاستغلال الجنسي
  • دعارة 2.0.. غضب واستياء عارم من فيديوهات “روتيني اليومي”
عاجل
الجمعة 16 أغسطس 2019 على الساعة 23:59

شاطىء إيمي ودار نواحي أكادير.. لالة زينة وزادها نور العافية! (فيديو)

شاطىء إيمي ودار نواحي أكادير.. لالة زينة وزادها نور العافية! (فيديو)

واحد الكوخ ديال القصب مصايبينو صحاب الجيت سكي اللي كيكروهم فالبحر ديال إيمي ودار نواحي أكادير، شعلات فيه العافية، اليوم الجمعة (16 غشت)، وتخعلو الناس اللي كانو تما.

البحر ديال إيمي ودار اللي كيكون فيه الزحام بزاف، والباركينغ عشوائي والناس ما كتلقى فين تبلاصي، وكيزيدوها صحاب الكوامل اللي كيجيو يطيبو وسط البحر، ويخلو الزبل، كملوها هاد صحاب جيت سكي اليوم فاش شعلات ليهم العافية وسط الناس اللي جاية تبرع بالصيف والجو الزوين اللي كيكون فأكادير والنواحي ديالو.
من زهرهم، العافية قدرو يتحكمو فيها وما وقعاتش كارثة تما، ولكن كيبقاو هاد المشاكل وبحالهم كيوقعو فكاع البحور نواحي أكادير، والناس اللي كتجي لتما عدد كبير منهم كيتشكى، خاصة المشاكل ديال الباركينغات العشوائية اللي كاينة، زائد الثمن ديالهم اللي كيوصل حتال 10 دراهم، وبلا ما يكون ضامن مول الطوموببل ضامن بلاصة.