• أمزازي: منظومة التربية تضع في أولوياتها التعليم الأولي ومدارس الفرصة الثانية (صور)
  • النادي اللي جا باسم الله.. أمرابط باغي يرجع يلعب فأوروبا
  • عصيد: السلفية الشبابية الجديدة امتداد لمسلسل الرداءة الذي دخل جميع المجالات
  • التقدم والاشتراكية: مشروع قانون تقنين الكيف يجب أن يخضع إلى ما يكفي ويلزم من نقاش
  • صحيفة إيطالية: المغرب تفوق على أوروبا في تلقيح سكانه ضد كورونا
عاجل
الجمعة 27 نوفمبر 2020 على الساعة 12:00

تخفيض ثمن تحليلة كورونا.. التعريفة الجديدة بتقنية “بي سي إر” ماغاتفوتش 450 درهم

تخفيض ثمن تحليلة كورونا.. التعريفة الجديدة بتقنية “بي سي إر” ماغاتفوتش 450 درهم

أدق تحليلات كورونا، مازال هي مثار الجد، بسبب الثمن ديالها المرتفع، تقنية “بي سي إر”، واللي كيوصل حتى 700 درهم، وهادشي حسب مختصين فالمجال، كيخلي الفئات الهشة والمعوزة، ماديرهاش، وخا كيبانو عليهم أعراض كوفيد 19، واللي كاتشكل وحدة من أسباب انتشار العدوى، وحتى فارتفاع عدد الحالات اللي كاتعاني من خطورة المرض، بسبب تأخر العلاج، حيت الكشف ماكانش فالوقت ديالو.

فالمقابل، تم الاتفاق مبدئيا بين المختبرات الخاصة والوكالة الوطنية للتأمين الصحي “أنام” على اعتماد تعريفة جديدة خاصة باختبارات الكشف عن “كوفيد 19” بتقنية “بي سي إر”.

وجا هاد الاتفاق، باش تستافد أكبر شريحة من المواطنين من الاختبارات المهمة، ويتم تحديد الأشخاص المصابين بالفيروس من غيرهم.

التعريفة صبحات محددة في 450 درهما عوض 700 درهم فالمختبرات الخاصة، وفالمراكز الاستشفائية الجامعية بـ360 درهما عوض 500 درهم، و300 درهم مقابل 500 درهم فالمستشفيات العمومية، على أساس أن يتم تعويض تلك التعريفة من طرف الصناديق والتعاضديات وشركات التأمين.

في حين حدد ثمن تعريفة المناعة بين 100 و200 عوض 300 درهم، وأما بالمختبرات العمومية فهي مجانية.