• وفد اقتصادي سعودي يحل بالرباط.. المغرب والسعودية عازمان على توطيد التعاون الاقتصادي
  • حذرت من “انفجار جديد واحتقان غير مسبوق”.. نقابة تعليمية تتهم الوزارة والحكومة بـ”نكث الالتزامات المتفق عليها”
  • موازين 2025.. الدورة الـ20 استقطبت أكثر من 3,75 مليون من عشاق الموسيقى
  • رسميا.. إدانة بودريقة بـ5 سنوات سجنا نافذا
  • من ضمنهم 3 آلاف في العالم القروي.. 54 ألف مستفيد من برنامج دعم السكن
عاجل
الأربعاء 07 ديسمبر 2022 على الساعة 16:30

بنعبد الله مع الرمضاني من الدوحة: عشنا فرحة خيالية اللي كيبكي وكاين اللي كيضرب راسو مع الحيط وكاين اللي كيتشقلب فالأرض

بنعبد الله مع الرمضاني من الدوحة: عشنا فرحة خيالية اللي كيبكي وكاين اللي كيضرب راسو مع الحيط وكاين اللي كيتشقلب فالأرض

وصف الإعلامي والمحلل الرياضي، أسامة بن عبد الله، فرحة المشجعين المغاربة المتواجدين في قطر، يوم أمس الثلاثاء (6 دجنبر)، بعد الفوز على المنتخب الإسباني بالضربات الترجيحية والتأهل إلى دور ربع نهائي كأس العالم لأول مرة في تاريخ الكرة المغربية والعربية.

وقال بن عبد الله في بث مباشر مع الإعلامي رضوان الرمضاني على الصفحة الرسمية لإذاعة “ميد راديو” وموقع “كيفاش” على الفايس بوك، إن “البارح عشنا فرحة خيالية وهستيرية، الجماهير كيبكيو، وكاين اللي كيضرب راسو مع الحيط، وكاين اللي كيتشقلب فالأرض والصحافيين كيتعانقو حتى هما وكيبكيو”.

وأضاف “أنا كنظن أن كرة القدم ديال الوطن ديالنا بوحدها اللي تقدر تفرحنا هاكا، وقلتها وغنعاود نقولها علاش لا ما نحلموش بكأس العالم، نحلمو قبل ما نخسرو ما نبقاوش ديما متشائمين”.

وتابع “اللي كيبقى فيك أنك كتشوف الحكرة، أنا ول البارح فالمجلس تقلقت ملي بداو هادوك الجمل الكلاسيكية، المنتخب المغربي را وصل الدور الثاني مزيان وديجا دار إنجاز واللي جا فضل، قلت ليهم لا اسيدي يلا خسرنا غنتقلق واللي جا ما فضل شاي وخاصنا نربحو علاش ما نربحوش، براكة من هاديك العقلية حنا عرب صافي ما نحلموش باقي لينا 3 دالماتشات 11 ضد 11 علاش نحكرو راسنا”.

يشار إلى أن المنتخب الوطني انتصر بركلات الترجيح على حساب المنتخب الاسباني، عشية يوم أمس الثلاثاء، وتأهل إلى دور ربع نهائي كأس العالم، ليصبح أول بلد عربي يصل هذه المرحلة في المونديال.