• البام: النقاش حول سحب الحكومة مشاريع قوانين من البرلمان “سجال سياسوي”
  • شعلات فيها العافية.. حيار تزور دار للمسنين في كازا للاطمئنان على حالة النزلاء (صور)
  • فتح الحدود.. البام داير رجل فالحكومة ورجل فالمعارضة (صور)
  • وصفته بـ”الهش والشارد”.. نقابة تعليمية تعلن رفضها للاتفاق الموقع مع الحكومة
  • شي مخلوع شي متفائل.. تعليقات المغاربة تنقسم قبل مباراة المغرب مصر (فيديو)
عاجل
الإثنين 06 ديسمبر 2021 على الساعة 21:30

بنسعيد: ملي دخلت لمراكز حماية الطفولة حشمت بزاف ويومين ما نعست

بنسعيد: ملي دخلت لمراكز حماية الطفولة حشمت بزاف ويومين ما نعست

“فاش دخلت لهاد المراكز حشمت… وحشمت بزاف”، بهذه العبارة عبر وزير الشباب والثقافة والتواصل، المهدي بنسعيد، عن الوضعية المزرية التي تشهدها مراكز حماية الطفولة، علما أنه الزيارات الميدانية التي قام بها لم تشمل سوى مركزين من أصل 15 مركزا.

وقال بنسعيد، أثناء إجابته عن سؤال متعلق بمراكز حماية الطفولة خلال جلسة الأسئلة الشفوية في مجلس النواب اليوم الاثنين (6 دجنبر)، “صراحة فاش دخلت لهادوك المراكز حشمت وحشمت بزاف، حيت داك الشي اللي شفت مؤلم ومؤلم جدا”.

وأضاف بنسعيد “فالوقت اللي بلادنا غادة وكتطور فمجموعة ديال المجالات، نسينا واحد الفئة ديال الأطفال اللي ما عندهم حتى واحد إلا حنا وفاش كنقول حنا راه كنهضر على النواب كاملين… يعني الحكومة يلا ما دارتش خدمتها النواب خاصهم يحذروها، حيت هاد الأطفال ما عندهمش واليديهم، وكيعولو على حاجة وحدة هي أن الدولة تهتم بهم وتعطيهم إمكانيات باش يقدرو يعيشو العيشة الكريمة اللي كل واحد كيبغيها لوليداتو”.

وتابع بنسعيد “داك الشي اللي شفت فكازا وأكادير كيألم بزاف… وهاد الشي غير يالاه زرت 2 مراكز من أصل 15، يعني ما زال ما شفنا 13 مركز”، مضيفا “طلبت من الأخوات والإخوان يمشيو يزوروهم ويعطيوهم أهمية خاصة، حيت هادو وليداتنا”.

وأكد بنسعيد “نهار مشيت لكازا وشفت هداك المركز ديال حماية الطفول يومين ما نعست”.