• ديال أمينتو حيدر واللي معاها.. النيابة العامة تحقق في تأسيس هيأة انفصالية في العيون
  • فاس.. زوج يخدر زوجته لاستغلالها في توقيع شيكات بدون رصيد
  • عطاوهم الإعدام.. محكمة الاستئناف في طنجة تدين قاتل ابنه في العرائش وزوجته
  • في جولة مغاربية.. وزير الدفاع الأمريكي جاي للمغرب
  • الملك معزيا في الفنانة شامة الزاز: فقدان إحدى رائدات فن العيطة الجبلية في بلادنا
عاجل
الثلاثاء 24 مارس 2020 على الساعة 12:34

الفار ديال كيفاش.. فيديو القايدة حورية ما فيهش غير الضحك

الفار ديال كيفاش.. فيديو القايدة حورية ما فيهش غير الضحك 

بلصيق حورية قايدة تشهرات بسبب فيديو بانت فيه وهي كتطلب من مجموعة ديال الناس اللي ساكنين في منطقة سكنية فآسفي أنهم يدخلو لديورهم، وما يبقاوش يخرجو، ويلتزمو بإجراءات حالة الطوارئ اللي دارها المغرب.

أغلب ناشري الفيديو ركزو على بعض العبارات الساخرة، اللي قالتها القايدة بحال “واش العالم كيموت وأنت كتكركر، على من زيناتك”، و”“اللي عندها شي مجتهد تشدو… واللي عندها شي كسول تصيفطو ليا نتكلف بيه”، ولكن كانت مواقف أخرى في الفيديو الأصلي، واللي ما لاقتش نفس الصدى.

حافظة الناس بالأسماء! 

قليل فاش كتلقى مسؤول حافظ الناس ديال حي بالأسماء ديالهم، إلا الأشخاص معروفين، ولكن القايدة حورية بانت في الفيديو كتعيط للناس بأسمائهم مباشرة، وكاين شي وحدين اللي عيطات ليهم بالألقاب ديالهم.

عاقلة على أغراض الناس

“واش خديتي اوتوريزاسيو؟” هاد السؤال قالتو بنت حي بورنازيل لواحد الشاب طالع فوق البيكالة ديالو، وقالت ليه من بعد وندوز عندكم لتما نشوفو، باش يعرف المتابع أن القايدة واقفة على أغراض الناس وعاقلة عليهم وبشكل كبير.

الاعتذار للأمهات

لقطة زوينة بزاف، هي فاش القايدة حورية بدات تعتذر من الأمهات اللي عندهم دراري كثار وساكنين غير فالبيت، وقدمت الاعتذار ديالها بحرقة كبيرة، وقدمات صورة فيها بزاف ديال الإنسانية، والتفهم، وبدلات خطاب الوعيد اللي كانت دايراه في الأول.