• خطفو محاسب وطالبو عائلتو بفدية.. اعتقال عصابة خطيرة في كازا
  • “أنقذوا مطار بني ملال”.. حملة فيسبوكية للمطالبة بفتحه في وجه الجالية
  • باك 2021.. الإناث يتفوقن على الذكور
  • وخا “مسار” فقص التلاميذ وأسرهم.. وزارة التربية تعلن نتائج الباك
  • فايسبوكيين شادين فيه.. العثماني فرحان بـ”إنجازات” الحكومة!!
عاجل
الأربعاء 09 يونيو 2021 على الساعة 21:23

العلمي كيقطر الشمع: اليوم التجمع أقوى مما تتوقعون… واش واحد كيشطح فأكادير غيغلبنا؟

العلمي كيقطر الشمع: اليوم التجمع أقوى مما تتوقعون… واش واحد كيشطح فأكادير غيغلبنا؟

رد رشيد الطالبي العلمي، عضو المكتب السياسي لحزب التجمع الوطني للأحرار، على الهجوم الذي شنته بعض قيادات حزب العدالة والتنمية، خلال لقاء نظمته في أكادير، على حزب الحمامة والالتزامات التي أطلقها.

وقال العلمي، خلال اللقاء الختامي لـ”الجولة الوطنية” للأحرار، اليوم الأربعاء (9 يونيو)، في الدار البيضاء، “اليوم التجمع أقوى مما تتوقعون، بوسعيد ما غلباتوش أزمة الميزانية، واخنوش ما غلبوش الجفاف ركوفيد، ومولاي حفيط وفتاح العلوي… واش واحد كيشطح فاكادير غيغلبنا؟”، في إشارة منه إلى عزيز رباح ومحمد أمكراز اللذان افتتحا لقاء البيجيدي في أكادير برقصة على إيقاعات شرقية.

وأضاف العلمي: “واحد سولني واش من 37 مقعد غتوصلو لـ60؟ قلت ليه لا حنا غنديرو 100 ماشي 60، من 37 غنديرو 100″، ليسترسل: “حنا كنشتغلو داخل منظومة ما بقاتش عندنا الشخصنة، كان ديما الصراع فالمكتب السياسي والمدابزة على الخوا الخاوي ودابا السيد الرئيس بحكمته، والهبال ديالنا، قدر يدير انسجام بين مكونات ذات توجهات مختلفة وجمعنا، ولا أعتقد أن إنسان من هاد النوع اللي نجح فالقطاع الخاص وفلاحة والحزب ما غينجحش، غادي ينجح”.

وأكد العلمي أن حزبه قادر على تحقيق الالتزامات التي قدمها خلال “الجولة الوطنية” للأحرار، قائلا: “حنا ما مفاكينش وقادين بيها… والبرنامج لا يلغي البرامج المهيلكة التي ستظل مستمر”.

وردا على الانتقادات التي طالت الحزب بعد إعلانه عن برنامجه، قال عضو المكتب السياسي للتجمع الوطني للأحرار، “اللي قالو لينا كنتو فالحكومة وما درتوش هاد الشي، أنا اللي كنعرف هو أن الطائرة مسؤول عليها الربان، مسؤول على جوج دالحوايج، سلامة الركاب ونقطة الوصول، ولكن هادا كينزل ويخلي الطيارة ويمشي يشوف شكون مضارب اللور، هاد الشي اللي واقع”، في إشارة إلى رئيس الحكومة وطريقة تدبيره للتحالف الحكومي.