• قالّيهم يشدو بلايصهم بكري.. الـ”فيفا” يوجه دعوة خاصة إلى جمهور الموندياليتو
  • محطات طرقية واجدة وأخرى عاد كاتصاوب.. لفتيت يكشف مستجدات النقل الطرقي للمسافرين
  • الدورة الـ26 لكأس للا مريم للغولف.. 7 لاعبات مغربيات بين المتنافسات (صور)
  • بالي قبل ما يسالي.. اللعابة المغاربة مروجين الميركاتو الشتوي
  • بمبلغ 2 مليون أورو.. فيورنتينا يعلن عن تعاقده مع صابيري
عاجل
الثلاثاء 13 ديسمبر 2022 على الساعة 09:59

الركراكي: حكيمي ومبابي غتكون بيناتهم مواجهة واعرة… وحنا المهم عندنا هو التأهل

الركراكي: حكيمي ومبابي غتكون بيناتهم مواجهة واعرة… وحنا المهم عندنا هو التأهل

علق الناخب الوطني المغربي وليد الركراكي على علاقة الصداقة الوطيدة التي تجمع لاعبه الدولي المغربي أشرف حكيمي ولاعب خصمه في دور نصف نهائي كأس العالم، المنتخب الفرنسي، كيليان مبابي.

وقال الركراكي في الندوة الصحافية التي تسبق المباراة، عن المواجهة المرتقبة بين اللاعبين إن “أشرف حكيمي أكثر لاعب كيعرف مبابي مزيان، حيت كيتدرب معه يوميا في باريس سان جيرمان”.

وأضاف “أشرف حكيمي من أفضل لاعبي العالم في المركز ديالو، ومتحفز باش يعطي كل ما عندو ويتفوق على مبابي، وكنظن غتكون بيناتهم مواجهة واعرة”.

وتابع “ما خاصناش نركزو على مبابي بوحدو، حيت منتخب فرنسا فيه لاعبين آخرين واعرين بحال جريزمان وديمبلي”.

وختم حديثه بالقول “دابا خاصنا نركزو على الماتش باش نحققو الهدف ديالنا وهو نربحو وندوز للنهائي، وماشي المهم عندنا هو غنلعبو ضد أفضل فريق في العالم، المهم هو نتأهلو”.

يشار إلى أن المنتخب الوطني المغربي يستعد لمواجهة المنتخب الفرنسي، يوم غد الأربعاء (14 دجنبر) ، برسم نصف نهائي كأس العالم قطر 2022.