• التجمعي لحسن السعدي: تعطلنا في التواصل… وأخنوش مظلوم! (فيديو)
  • لخلافة فيلود.. الجيش الملكي يتعاقد مع البرتغالي ألكسندر سانتوس
  • بنخضراء: مراجعة مدونة الأسرة تقوم على اجتهاد فقهي يواكب التحولات الاجتماعية والاقتصادية
  • “ماركا” الإسبانية: النصيري يطير في فنربخشة
  • اتهمه بـ”تزوير” نتائج الإضراب العام.. الاتحاد المغربي للشغل يعلن “مقاطعة” السكوري
عاجل
الخميس 09 يناير 2025 على الساعة 14:08

الراقي لـ”كيفاش”: واخا عندي 44 عام كنآمن بالعمل والجدية فالكرة

الراقي لـ”كيفاش”: واخا عندي 44 عام كنآمن بالعمل والجدية فالكرة

عبر عصام الراقي، عن سعادته بتحقيق التأهل إلى دور نصف نهائي بطولة دوري الملوك المقامة في الديار الإيطالية، مشيرا إلى أن العناصر الوطنية ردت بطريقتها الخاصة على استفزازات المنتخب الأمريكي.

وقال الراقي في تصريح لموقع “كيفاش”، “فاش كنا كنديرو التسخينات كان استهزاء من طرف الفريق الخصم، والاستفزاز والطريقة باش هضرو علينا قبل الماتش خلانا ندخلو بعزيمة وإراداة وما نحطوش يدينا حتى لآخر دقيقة”.

وأضاف الراقي “الحمد لله الماتش ما كانش ساهل ولكن بفضل المجهودات ديال اللاعبين والشخصية ديالهم اللي كانت قوية، خلاتنا نتوفقو على هاد المنتخب الأمريكي ونتأهلو لنصف النهائي”.

وعن المواجهة المقبلة المرتقبة أمام المنتخب الكولومبي، قال عصام الراقي “حنا بصراحة ما بغيناش نعطيو للمباراة أكثر من الحجم ديالها حنا كل مباراة كنلعبوها على جزئيات بسيطة”، مشيرا إلى أنه “غيكون عندنا اجتماع ورؤية عن الفريق الكولومبي اللي انهزمنا ضدو في الماتش الأول”.

وتابع الراقي “الماتش مع كولومبيا ما غيكونش ساهل هو في حد ذاتو غنضربو عصفورين بحجر واحد التأهل للنهائي ورد الاعتبار”.

وعن التعليقات المتداولة على مواقع التواصل الاجتماعي والإشادة الكبيرة التي تلقاها بخصوص المستوى الذي ظهر به رغم بلوغه السن 44 عاما، قال الراقي “هاد الشي ما كيجينيش غريب حيت أنا كنأمن بشي حاجة سميتها العمل والجدية، يلا كان الإنسان كيدير حصة تدريبية وحدة فالنهار أنا نقدر ندير جوج حيت كل ما زدتي فالعمل والجدية غتحصد حوايج إيجابية”.

وواصل حديثه “أنا ما كنحبسش حيت عزيز عليا نتدرب واخا كنتدرب مع الفريق ديالي ضروري كنزيد حصص، وعندي تحدي مع نفسي حيت عزيزة عليا الرياضة كنلقى فيها راحتي وكنلقا راحتي فشي حاجة فيها شغف اللي هو لاصال والتمارين، والحمد لله هاد الشي ما جاش من فراغ وإنما عن جدية”.

كما وجه الراقي رسالة إلى الشباب، قائلا ” كنتمنى الشباب اللي طالعين ياخذو بهاد الميصاج باش يزيدو بالكرة المغربية للقدام، ويطورو أنفسهم ولما لا يكون الاحتراف في الديار الأوروبية”.

السمات ذات صلة