• كيفاش تسجلو؟ وشنو هما الشروط؟.. التسجيل فقرعة ميريكان بدا
  • تعاون أمني.. القائد العام لشرطة أبو ظبي في ضيافة حموشي
  • وفاة شخص كان تحت تدابير الحراسة النظرية في بنجرير.. البوليس يحقق وتعليمات صارمة من حموشي
  • ما بقاش التعاقد.. أشنو موجدة وزارة التعليم لأطر الأكاديميات؟
  • كان باغي يفك جوج مضاربين خسر حياتو.. بشحال حكمو على قاتل الشرطي مامون الفقير؟
عاجل
الجمعة 26 أغسطس 2022 على الساعة 17:00

الدخول المدرسي قريب.. شنو الجديد هاد العام؟

الدخول المدرسي قريب.. شنو الجديد هاد العام؟

العطلة قربات تسالي والقراية غتبدا، فشنو الجديد في المؤسسات التعليمية هاد العام؟

تستقبل المؤسسات التعليمية تلاميذها يوم الخامس من شتنبر المقبل، برسم الموسم الدراسي الجديد 2022-2023 بعد سنتين استثنائيتين فرضتها جائحة فيروس كورونا.

موسم عادي
أوضح نور الدين عكوري، رئيس الفيدرالية الوطنية لجمعيات أمهات وآباء وأولياء تلاميذ المغرب، أن الموسم الدراسي الجديد يأتي بعد موسمين استثنائيين بسبب جائحة كورونا، مشددا على أن هذا الموسم سيكون مثل المواسم الدراسية العادية قبل الجائحة.

وقال العكوري في اتصال هاتفي مع موقع “كيفاش”، إن “هاد العام غادي يكون الدخول المدرسي عادي بحال الأعوام اللي فاتو قبل جائحة كورونا”.

وأضاف العكوري أنه حسب المقرر الوزاري فإن جميع الأطر الإدارية التحقت، يوم أمس الخميس (25 غشت)، بالمؤسسات التعليمية في انتظار استقبال التلاميذ يوم 5 شتنبر المقبل.

وتابع رئيس الفيدرالية الوطنية لجمعيات أمهات وآباء وأولياء تلاميذ، أنه “ملي غادي يلتحقو التلاميذ بالمدارس ديالهم غادي نشوفو واش فعلا العرض المدرسي كافي في بعض المناطق”، مشيرا إلى أن “بعض المؤسسات اللي كتكون معروفة عند الأسر بأنه فيها استقرار بيداغوجي وأساتذة مزيانين كلشي كيمشي ليها وكيكون فيها اكتظاظ، ومؤسسات أخرى كتبقى فارغة، هاد الشي كيخلي المديريات الإقليمية تدخل وتحاول تقسم التلاميذ على جميع المؤسسات باش ما تكونش مؤسسة عامرة وأخرى خاوية”.

شنو الجديد؟
وبخصوص الجديد في المؤسسات التعليمية هذا الموسم، أكد العكوري في التصريح ذاته، أن حركية التلاميذ بين التعليم العمومي والتعليم الخصوصي ستشهد تغييرا، قائلا “انتقال التلاميذ من التعليم الخصوصي للتعليم العمومي غادي يولي بحال بحال، يعني التلميذ غادي ياخذ شهادة المغادرة من المؤسسة اللي كيقرا فيها ويمشي مباشرة للمؤسسة العمومية اللي باغي يتسجل فيها، ما بقاتش هاديك المسألة ديال خاصك تمر عن طريق المديرية الإقليمية في إطار اللجان”.

وأوضح “كان يلا بغيتي تنقل ولدك من التعليم الخصوصي خاصك تمشي تقدم الطلب ديالك للمديرية الإقليمية، وهما اللي كيحددو ليك المؤسسة اللي غتمشي ليها واللي كتبان ليهم ما فيهاش الاكتظاظ، دابا لا غادي تاخذ شهادة المغادرة وتمشي للمؤسسة اللي كتبان ليك قريبة للسكن ديالك، وتسجل فيها عادي”.