• لصقها فالبرد.. مصدر حكومي يؤكد أن “الجو البارد وراء ارتفاع الأسعار”!!
  • زلزال تركيا.. سفارة المغرب توجه بلاغا هاما للمغاربة الذين يبحثون عن عائلاتهم
  • بعد الزلزال المدمر.. إسرائيل ترسل فرق إنقاذ إلى تركيا (صور)
  • إصابة ثمانية من عناصر الأمن.. بوليس مكناس يوقف تسعة أشخاص متورطون في الشغب الكروي
  • بركة: نفق أوريكا غادي يربحنا بين 80 حتال 112 دقيقة ديال الوقت
عاجل
الجمعة 30 ديسمبر 2022 على الساعة 17:00

الحداوي: الروح رجعات للمنتخب… والركراكي لبّى نداء الوطن بنيتو (فيديو)

الحداوي: الروح رجعات للمنتخب… والركراكي لبّى نداء الوطن بنيتو (فيديو)

أكد اللاعب الدولي السابق، مصطفى الحداوي، أن إنجاز المنتخب الوطني المغربي في كأس العالم قطر 2022 لم يأتي بالصدفة، وإنما نتيجة عمل كبير.

وقال الحداوي، في تصريح لموقع “كيفاش” إن “إنجاز المنتخب إنجاز خرافي وغير مسبوق وهاد الشي ما جاش بالصدفة وإنما بعمل كبير، رغم أن وليد الركراكي والطاقم اللي معاه خذاو المنتخب فواحد الفترة اللي قريبة جدا من المونديال، ولكن الروح رجعات حيت كاين لاعبين اللي كيبغيو البلاد لا اللاعبين اللي كيلعبو برا لا اللاعبين ديال البطولة”.

وأضاف “فرحت ملي شفت لاعبين من البطولة اللي دخلو كرسميين وحتى كاحتياطيين دخلو بنفس التوهج والعطاء والقتالية، والحمد لله عندنا أسود بمعنى الكلمة”.

وتابع “الركراكي فرحان بزاف بالوجود ديالو فالطاقم مع لاعبين اللي لعبو فالمنتخب، يعني عارفين العقلية وعرفو كيفاش يوجدو هاد الفريق وخلاونا نشوفو أسرة وحدة وعائلة وحدة ومنظومة وحدة، وهاد الشي بان فالبادرة اللي تخذات بحضور الأمهات، وهاد الشي اللي خلانا نشوفو منتخب مغربي في مستوى عالي اللي بهر الجميع عالميا”.

وختم تصريحه بالحديث عن كأس أمم إفريقيا، قائلا “إن شاء الله نفوزو بكأس إفريقيا اللي انتظرناه هادي سنين، والحمد لله المنتخب الوطني المغربي كيبشر بالخير، حيت عندنا جيل ذهبي لاعبين بمستوى كبير وأطر وطنية شفنا واحد منهم اللي هو اللركراكي، اللي تعطاه هاد التحدي وعرف أن الوقت ماشي كثير ولكن كيف كيقول خذاها بنيتو وخلا أشياء أخرى اللي كان يقدر يمشي ليها لا هو لا بنمحمود ولكن نداء الوطن حتى واحد ما كيرفضو”.

https://youtu.be/PUG5vZ03sZ0