• للتغلب على التحديات وإنعاش الاقتصاد.. فيس بوك تطلق مشروعا خاص بالمقاولات المتضررة من الجائحة
  • حبس نموذجي وقريبا غيحلوه.. التامك يتفقد ورش بناء السجن المحلي في وجدة‬ (صور)
  • إصابات كورونا في إفريقيا.. المغرب في المركز الثاني
  • دارو براسهم بوليس.. توقيف شخصين في كازا
  • في المراكز الأولى من الطوندونس.. الوالي ينافس اليوتيوبرز والڤلوغرز (فيديو)
عاجل
الأربعاء 16 سبتمبر 2020 على الساعة 19:00

إمغران يرد على منتقديه: اللي شاف حوايج البنت يعني ركز عليها هي ونسى موضوع الأغنية… وهدفنا نوصلو الفن الأمازيغي للعالمية

إمغران يرد على منتقديه: اللي شاف حوايج البنت يعني ركز عليها هي ونسى موضوع الأغنية… وهدفنا نوصلو الفن الأمازيغي للعالمية

رد الفنان الأمازيغي لعربي إمغران على مجموعة من الانتقادات التي طالت كليبه الأخير “تينيري” بسبب لباس الموديل، مشيرا إلى أن هدفه الوصول بالفن الأمازيغي إلى العالمية وليس التركيز على مثل هذه الأمور.

وكان الفنان الشاب أطلق كليبه، أمس الثلاثاء (15 شتنبر)، الذي بلغ في وقت القياسي أزيد من 100 مشاهدة، واحتل المرتبة الثانية في الطوندونس المغربي على اليوتيوب.

وتعقيبا على لباس الفتاة الذي اعتبره البعض غير محتشم، قال العربي، في اتصال مع موقع “كيفاش” مستغربا: “لباس البنت عادي بزاف، وهاد الحوايج كيلبسوه البنات بزاف فالشارع، واش ضروري نبقاو ديما كنلبسو الزي الأمازيغي فكاع الكلبيات؟”.

وأضاف: “اللي انتقد حوايج البنت يعني ركز عليها غير هي، وخلى المناظر كاملة اللي كاينة فالكليب وحتى الموضوع ديال الأغنية”.

واسترسل إمغران في حديثه قائلا: “صورنا فإمسوان وفتغازوت وتامري، وهادو كلهم بلايص زوينين تستحق نديرو ليها الإشهار باش ندعمو السياحة فالمنطقة، ولكن عوض الواحد يشوف هاد الشي، كيهضر على لباس البنت واللي أصلا هي اختارتو حيث مرتاحة فيه، ومن حقها ومن أي بنت تلبس اللي بغات ما حدها ما غادي تضر حتى واحد”.

وتوضيحا لسبب تأخير الكليب، الذي كان من المتوقع إطلاقه الأحد الماضي (13 شتنبر)، قال إمغران: “تعطلنا حيث كانت وفاة الطفل عدنان وقلنا نأجلوه، وبهاد المناسبة أتقدم بالتعازي للعائلة ديالو”.

وعن سبب وضعه للترجمة المكتوبة على الفيديو كليب، رد إمغران: “درنا سو تيتراج باش الأغنية يفهمها كل الشي، درنا الفرنسية والعربية وغادي نزيد حتى الإنجليزية، الهدف ديالنا هو نوصلو الفن الأمازيغي للعالمية، والحفاظ على موروث كبير عندنا، من بينهم اللغة، مثلا كلمة تينيري اللي هي عنوان الكليب، كتعني الصحرا، ولكن هاد الكلمة ما بقاتش كتستعمل وبهاد الأغنية وأغاني بحال هاكا غادي نحافظو على لغة أجدادنا”.