• قال “جريونا فالتيران باش نفرحو البشر”.. مغاربة عجبهم تصريح مزراوي بالدارجة ومقشبين عليه
  • جيروزاليم بوسط: المغرب مملكة النور البلد الذي يخلق الرغبة في المجيء والعودة
  • الشتا والبرد.. توقعات الأرصاد الجوية لطقس اليوم الجمعة
  • شهادة من مدرب كندا: المغرب تصدر مجموعة “الموت” بفضل أدائه الجيد طيلة الدور الأول
  • بعد التأهل.. بوفال يقبل رأس والدته فرحا
عاجل
الجمعة 04 نوفمبر 2022 على الساعة 21:30

إقبال متزايد على علم النفس.. أكثر من 1020 خرّيج في كلية واحدة في كازا !! (صور وفيديو)

إقبال متزايد على علم النفس.. أكثر من 1020 خرّيج في كلية واحدة في كازا !! (صور وفيديو)

إقبال كبير كيعرفو تخصص علم النفس في المغرب، خصوصا في السنوات الأخيرة، حيت كيتعتبر من بين الشعب اللي عندها ارتباط مباشر بسوق الشغل، وحتى بالخدمة اللي كيقدمها لعدد من المواطنين..
يلا خدينا كلية الأدب والعلوم الإنسانية عين الشق في الدار البيضاء كمثال، غادي نلقاو باللي الأرقام كتبين أن أكثر من 1020 طالب خداو شهادة التخرج ديالهم من هاد الكلية، وهو رقم كيعكس الإقبال لكبير على هاد التخصص اللي مطلوب فسوق الشغل.
الفيديو:

كيفاش؟

أجمع الطلبة الخرّيجون فهاد الشعبة في حفل التخرج، على أن علم النفس من التخصصات اللي صْبح عليها الطلب، وأن هذا المجال الدراسي مطلوب في سوق الشغل، إضافة إلى وجود أسباب عديدة كاتخلي الطبيب النفسي أو المعالج النفسي، مستمتع بالمجال ديالو حيت عندو رسالة نبيلة أولاً.. وبكل بساطة حيت كيقدر يساعد الآخرين.

علاش شعبة علم النفس؟

وقالت غيثة بنخالد عضو لجنة الإشراف على حفل التخرج بكلية الأداب والعلوم الإنسانية عين الشق في الدار البيضاء: “هادي رابع دفعة لعلم النفس وهو تخصص مطلوب، خصوصا ملي كنتكلمو على المرافقة النفسية والاجتماعية وحتى العلمية، وفي جميع المجالات”، مضيفة أن “علم النفس تحوّل إلى شعبة في كلية عين الشق، بعدما كان فقط عبارة عن مسلك، وهو ما يشرف بالجامعة وجميع الأساتذة وحتى بالطلبة القدامى والجدد”.

وقالت حليمة زينبي، خريجة شعبة علم النفس وسنة أولى ماستر علم النفس الإكلينيكي، إنه بعد جائحة كورونا، تشير الدراسات إلى أن الاضطرابات النفسية في ارتفاع، وهو ما يفسر الحاجة الماسة إلى دراسة علم النفس والإقبال عليه، مضيفة أن هناك خصاصا ملحوظا في الأخصائيين النفسيين”.
من جانبه اعتبر عثمان لموذن، أن شعبة علم النفس، هي من التخصصات القريبة من المواطن وكانتمناو أنها تفيد لمغاربة، حاليا ومستقبلا، حيت هي مرتبطة أكثر بالحياة اليومية.. حنا كانحملو هاد المشعل، باش نضويو بيه سماء العلم إن شاء الله..”

خِيار مهني زوين !!

وحسب الطلبة، يُشرف على مسلك شعبة علم النفس في كلية الآداب والعلوم الإنسانية عين الشق في الدار البيضاء، فضلا عن عميدها مراد موهوب، كل من الأساتذة عبد القادر أزداد، ليلى الشرقاوي، عزيز دمير، أحمد الرياضي وأحمد التومي، عبد الحكيم الشافعي، كما يتكلف محمد بنيس بتمثيل الطلبة، وهو عضو مجلس الكلية.

من جهة أخرى، اللي كيدرسو علم النفس عندهوم خيار مهني زوين، في تحسين مهاراتهم وفي حل المشكلات، وكيتعلموا من خلال المجزوءات اللي كيقراو، كيفاش يتعاملو مع جميع السلوكيات وطرق التكيف معاها، وكيفاش يتعاملو مع الاضطرابات وحتى التحديات العقلية والنفسية والعاطفية..
وغالبا ما كاتكون أحسن مكافأة ليك كمعالج نفسيّ، هي مساعدة الناس في التغلب على صراعاتهم النفسية، صراعاتهم العاطفية والمخاوف ديالهوم.