في ظل الإضرابات المتتالية لفئات هيئة التدريس بالمؤسسات التعليمية العمومية للمطالبة بـ”تجويد النظام الأساسي الجديد”، عبر عدد من أولياء الأمور عن تخوفهم من اعتماد “سنة بيضاء” خلال الموسم الدراسي الحالي.
وفي تعليقه على الموضوع، طمأن نور الدين عكوري، رئيس الفيدرالية الوطنية لجمعيات آباء وأمهات وأولياء التلامذة بالمغرب، أولياء أمور التلامبذ، مؤكدا أنه “ما غتكونش سنة بيضاء إن شاء الله وعمرها غتكون”.
وقال عكوري في تصريح لموقع “كيفاش”، إن “سنة بيضاء ما غاداش تكون إن شاء الله وعمرها غتكون وحنا غادي نستدركو هاد الشي وغادي يرجعو الأساتذة إن شاء الله للأقسام ديالهم”.
وأضاف عكوري أن “اللقاء اللي داز بين رئيس الحكومة عزيز أخنوش والنقابات رجع الحوار للبداية ديالو بمعنى أنهم غادي يرجعو، والنقط اللي بقات عالقة وعليها احتجاجات من طرف الأساتذة غادي يرجعو النقابات باش يعاودو يناقشوها بحضور رئيس الحكومة ووزير التربية الوطنية”.
وأشار عكوري إلى أن “المشكل اللي باقي مطروح هو الثقة بين النقابات والتنسيقيات ما زال ما كاينش تواصل بيناتهم”، موضحا أن “التنسيقيات كيطالبو باش هما يكونو في اللقاء مع رئيس الحكومة باش يشوفو النقط اللي هما كيطالبو بها، ولكن النقابات الأكثر تمثيلية را هي كتمثل هاد التنسيقيات وحنا خاصنا نتيقو فالمؤسسات ديالنا وفبعضنا البعض باش يمكن نخدمو المصلحة ديال التلميذ”.
وتابع “التلميذ الآن في إضرابات، وجالسين بلا قرايا وهادو را تليمذات ديال المدارس العمومية، ما خاصناش نستمرو فهاد المسألة لأننا الآن قنوات الحوار تفتحات باش نحلو هاد المشاكل اللي كيحتجو عليها الأساتذة”.
وأبرز عكوري أن “الأساتذة كيطالبو الحكومة بتحسين الوضعية المادية ديالهم وهذا من حقهم، كتتعرفو ظروف الجميع ومن بينهم الأساتذة خاص تحسن الوضعية ديالهم باش يكونو مرتاحين داخل الأقسام والمؤسسات التعليمية ديالهم باش يساهمو ويكونو إيجابيين في الإصلاح”.
وختم حديثه بالقول “هذا نداء ديالنا حتى حنا كفدرالية للمسؤولين على القطاع والمسؤولين في الحكومة”.
