• قتل درية صغيرة.. البوليس يعتقل مختلا عقليا في كازا
  • تضم مليون جرعة.. المغرب يتوصل بدفعة جديدة من لقاح “سينوفارم”
  • ماشي غير فإسرائيل.. مغربيات وزيرات في حكومات أجنبية
  • تبحرو على خاطركم.. أزيد من 87 في المائة من مياه شواطى المغرب صالحة للاستحمام
  • وليدات البيجيدي مشاو عند هنية.. رئيس حركة حماس يستقبل وفداً من شبيبة العدالة والتنمية
عاجل
الأربعاء 15 يوليو 2020 على الساعة 17:00

أول تصريح لأب المتفوقة وسقي زينب.. بنتي دارت مجهود كبير فالحجر وجابت أعلى معدل فالبكالوريا

أول تصريح لأب المتفوقة وسقي زينب.. بنتي دارت مجهود كبير فالحجر وجابت  أعلى معدل فالبكالوريا

طارق باشلام

حصلت التلميدة زينب وسقي، أعلى معدل عام على المستوى الوطني، في الامتحان الوطني الموحد للبكالوريا، وهو 19,47 من 20 بمسلك العلوم الفيزيائية خيار فرنسية، كما حصلت الأكاديمية الجهوية للتربية والتكوين، التي كانت تدرس فيها، في جهة الرباط سلا القنيطرة، على أعلى نسبة نجاح على الصعيد الوطني بلغت 71.27%.
وقال والد التلميذة المتفوقة، في حوار خص به “موقع كيفاش أنفو”: “كانت زينب دائما متوفقة، كنت أنتظر تجي من الأوائل، والامتحان كيف كاتعرفو عبارة عن سباق، وحتى في الامتحان الجهوي كانت عندها النقطة الأولى 19.50، واجتهدت وجات هي الأولى الحمد لله”.

وعن مفتاح نجاحها وتفوقها، تابع والد زينب سقي، “عندها واحد السّر في هادشي كامل هو التنظيم ديالها الكبير للوقت، وهي من نقط القوة اللي خلاتها تكون والحمد لله في هاد المستوى، وهاد السر نتقاسموه مع وليدات لمغاربة كاملين، باش الكل يكون عندنا متفوق، راه قد ما تفوقو وليدات المغرب كلهم، قد ما غادي يكون، هاد الوطن كلو أماني وكلو تقدم وكلو ازدهار..”.

وبالنسبة للأساتذة والطاقم التربوي، قال والد التلميذة المتفوقة: ” الأطر التربوية قامو بمجهود كبير، في الفترة ما قبل كوفيد19، ثم في فترة الحجر الصحي اللي كان فيه مجهود مضاعف، من خلال الدروس عن بعد”، أما عن ابنته فاسترسل، الوضع ديالنا مع بنتي زينب، ولله الحمد عطى الأُكل ديالو، نظرا لطبيعة الأساتذة اللي كانو معاها، وحنا عندنا ثقة في جميع الأساتذة والطاقم التربوي ككل ونشكرهم ونشكر جميع المتدخلين”.

وكانت وزارة التربية الوطنية والتكوين المهني والتعليم العالي والبحث العلمي، قد أعلنت في بلاغ سابق أن عدد الناجحين الممدرسين، في الدورة العادية للامتحان الوطني الموحد لنيل شهادة البكالوريا فاق 196 ألف، بنسبة نجاح بلغت %63 مقابل %65,55 في الدورة نفسها من السنة الماضية، كما تشكل الإناث %55,75 من مجموع الناجحين الممدرسين، كما بلغ عدد الحاصلين على ميزة لدى الممدرسين 102.882 بنسبة %52,30 من المجموع.