• بعد مناورات “الأسد الإفريقي”.. المغرب يشارك في مناورات بحرية إلى جانب أمريكا وإسرائيل
  • بناية فخمة وبتصميم هوليودي.. الراپورة الفرنسية المعتزلة ديامس شرات ڤيلا فمراكش (صور)
  • بعد صدمة الهزيمة في الانتخابات المهنية.. زعيم نقابة البيجيدي كيبرد على راسو!
  • بسبب تصريح “الأحزاب والباكور والزعتر”.. بوليف يهاجم والي بنك المغرب وفايسبوكيين يردون الهجوم “بأحسن منه”
  • جزائريون للمسؤولين: شبعتونا قمع!
عاجل
الثلاثاء 11 مايو 2021 على الساعة 23:55

أخنوش: ما عنديش مشكل مع العثماني هو أستاذ وفقيه… والأغلبية ما مضبوطاش ما عندهاش زعيم

أخنوش: ما عنديش مشكل مع العثماني هو أستاذ وفقيه… والأغلبية ما مضبوطاش ما عندهاش زعيم

قال عزيز أخنوش، رئيس حزب التجمع الوطني للأحرار، إن الحكومة تمر بظروف صعبة خاصة في ظل الجائحة، موضحا أنه يتفق مع تصريح إدريس لشكر، الكاتب الأول للاتحاد الاشتراكي، الذي أكد فيه أن رئيس الحكومة لا يخلق جوا مساعدا على الاشتغال داخل الحكومة.

وأضاف أخنوش خلال استضافته، مساء اليوم الثلاثاء (11 ماي)، في لقاءات مؤسسة الفقيه التطواني، “أنا متافق مع لشكر لأن الأغلبية ما مضبوطاش، ما عندهاش زعيم”، قبل أن يستدرك “الجو هادئ نسير إلى الأمام كنتكلمو وكنتقاسمو نفس الهدف وما كاينش للما منين يدخل”.

وتابع رئيس حزب الحمامة: “داخل الحكومة ما عندنا حتى إشكال، الرئيس كيدير خدمتو، والوزراء ديالنا راسهم ماشي سخون، وكيحترمو التراتبية”، مردفا “حنا عندنا جوج معارضات، المعارضة اللي من حقها تدير المعارضة، ودوك المعارضة اللي كيجلسو القدام فالبرلمان اللي كيهرسو الخدمة، مثلا فاش كندخل للبرلمان، باستنثاء الاتحاد، كيبان لي كلشي معارضة، وهادا سميتو عدم الاحترام وهاد الشي غيخلينا نفكرو بشكل مختلف فالمستقبل”.

وعن ما إذا كانت كاريزما رئيس الحكومة تشكل له حرجا، وتدفعه إلى التغيب عن اجتماعات المجلس الحكومي، قال أخنوش: “أنا ماعنديش مشكل مع العثماني، هو أستاذ وفقيه، والتسيير ديالو للحكومة فيه نقاش، وقلتها وكنقولوها، ولكن هاداك رئيسنا وكنحترموه وكنا وباقين أوفياء ليه وكنشتغلو وما خليناهش، ولكن الحزب ديالو ما عرفتش أشنو عندهم معانا، حنا كنخدمو بلادنا ولكن شوفو أش كيرجع لينا من الفريق ديالهم”.