• اعترف بتسهيل مرور المخدرات والهجرة السرية مقابل عمولات مالية.. تفاصيل التحقيق مع كومندار المخازنية في الناظور
  • بسبب سؤال حول “اللعب في المدرسة”.. أستاذ جامعي مقشّب على نائب برلماني!
  • عامل ورئيس مجلس عمالة المحمدية.. تنمية المدينة بالشفوي!
  • قدم مقترح قانون لتحديد شروط وكيفيات تصفية نظام المعاشات.. البيجيدي زرب عليهم فمجلس النواب!
  • معرض الكتاب في كازا.. مصر ضيف شرف والصين حاضرة
عاجل
الجمعة 12 ديسمبر 2014 على الساعة 20:11

أنس الباز في قفص الاتهام: سبق لي تشديت وضربت الممثل طارق البوخاري وفلتت من الموت

أنس الباز في قفص الاتهام: سبق لي تشديت وضربت الممثل طارق البوخاري وفلتت من الموت تصوير: عدنان حكون
تصوير: عدنان حكون
تصوير: عدنان حكون

أحمد الحاضي
كشف الممثل المغربي أنس الباز أنه سبق واعتقل سنة 1999 في شارع أكدال في الرباط بسبب اتهامه بالتحرش.
الباز، الذي حل ضيفا على حلقة خاصة من برنامج «في قفص الاتهام»، من مراكش، اليوم الجمعة (12 دجنبر)، قال: «كنت في 1999 دايز في أكدال في الرباط، شافت فيا وشفت فيها، الوقت اللي غادي ندوي معاها جمعات علي الناس، النهار الموالي شفتها في نفس المكان ومشيت عندها نقول ليها حشومة عليك، ولكن جابت لي البوليس».
وأضاف: «فالكوميسارية حتى واحد ما صدقني باللي راني ما درت والو، وبقا فيا الحال، وفي الأخير عرفو البوليس راني مظلوم، وتشابهت ليهم مع شي واحد أسمو طارق».
وعن شجاره الشهير مع الممثل طارق البخاري قال الباز: «طارق البوخاري كنحييه بهاد المناسبة، وولينا أصدقاء دابا، واتصل بيا ملي وقع لي واحد الحادث، حنا ما دابزناش على الفلوس، ولكن دابزنا على الكلام. المهم كلمة من هنا وكلمة من لهيه دابزنا، وديك الليلة هزيت حوايجي ومشيت من مهرجان مراكش، واللي بقا فيا أنه قال من بعد باللي مسامح ليا والدنيا هانية بينما هو اللي تهجم عليا».
كما أوضح الباز أنه تعرض لحادث سير، أخيرا، وقال: «نجيت من الموت قبل أسابيع، وفي الوقت اللي كنت خارج من الباركينغ دخل فيا واحد بالسيارة ديالو، ومشا لي الهاتف ديالي، والساعة رجعها لي واحد السيد من بعد الحادث».
وعن مساره الفني قال الباز: «كنت بغيت نكون مغني وملي ساليت العام رجعت للمغرب وفي الصيف سولت راسي وقلت راه هاد الشي ما غاديش يسلكك، وفي ديك الوقت تفرجت في أفلام دجيمس دين وعجبني، وعرفت أنني بغيت نولي ممثل، وملي رجعت لفرنسا دخلت نقرا التمثيل، وفي 2008 قدمني صديق للمخرج نور الدين الخماري ولعبت في فيلم كازا نيغرا».