• ديو رفقة “أدرينالين”.. حاتم عمور يطلق فيديو كليب “خطير”
  • بالصور من فاس.. ساجد كيتسارا فالمدينة القديمة
  • سيواجه النادي الإفريقي التونسي.. الكعبي يقود بركان إلى الدور الأول لكأس الكونفدرالية (فيديو)
  • بالفيديو.. الدوزي يغني للمونديال (فيديو)
  • بعد الخسارة في الكلاسيكو.. غاريدو يوجه رسالة إلى الجماهير الرجاوية
عاجل
الإثنين 07 يناير 2013 على الساعة 16:12

أكره الطرب الأندلسي!!

أكره الطرب الأندلسي!!
الفقيه بوصنطيحة

الإخوان واحد الحاجة كتمرضني فالتلفزة المغربية غادي نقولها ليكم، وانتوما قولو لي واش أنا على حق ولا غير كنزيد فيه.

علاش وقت ما كان عندهم في وقت خاوي فالتلفزة كيديرو فيه الطرب الأندلسي؟ أنا هاد القضية كتجيني احتقار للمغاربة، حيت حنا ماشي قبيلة وحدة كلنا كنبغيو الطرب الأندلسي، وزايدون كل منطقة عندها التراث ديالها علاش بالضبط الأندلسي، إلى درجة أنهم رجعوه رمز وطني، وشوية يمكن يردوه مقدس.
وباش نكون واضح معاكم، هاد “الإجبار الأندلسي” هو اللي خلاني كرهت هاد النوع ديال الموسيقى، واخا كيعاودو عليه زوين. كرهتو لأنه كيجيب لي الله مفروض علي. فالعيد الصغير يديروه، وفالعيد الكبير يديروه، وفعاشورا يديروه، ونهار الجمعة يديروه، وملي يكونو الجلسات ديال البرلمان يديروه، وملي يخسر ليهم البارابول يديروه… وبزااااف، ياك ما كلنا من فاس وحنا ما فراسناش؟

تشاو تشاو.