• لإحداث مراكز للفرز والتثمين في مطارح النفايات.. الحكومة تبحث عن مناصب الشغل في الأزبال!
  • بوريطة من الجزائر: الجمود والحمائية لن يُمَكِّنَا من تحقيق التنمية الاقتصادية
  • تورية بحري.. أصابها السرطان ربةَ بيت وانتصرت عليه وهي حاصلة على الدكتوراه! (فيديو)
  • شي غمقة صحيحة هادي.. ريدوان العالمي يسقط في فخ المهدي بنكيران “مصمم الأشياء”!! (صور)
  • من قلب الجزائر.. بوريطة يقطر الشمع بكل ديبلوماسية!
عاجل
الأحد 30 ديسمبر 2012 على الساعة 21:20

شفروني العفاريت

شفروني العفاريت ميستر بين كيران
ميستر بين كيران

شي وحدين كيقولو ما كاينش الأمن، وكيهاجموني، أنا ما بيدي والو والدليل شفرو ليا المكتب ديالي.

ولكن هاد القضية ماشي ديال شي شفار عادي، هادي ما يديروها غير شي عفاريت. أنا السبب بقيت كنقول العفاريت في البرلمان، وما قلتش التسليم، وما ضربتش الحساب، حتى سكنو ليا في المقر ديال الحزب. التسليم التسليم يا أهل المكان، أنا مسلم طالب التسليم.

الصراحة وليت خايف حتى أنا نكون مسكون بشي عفريت، وليت نغوت غير بوحدي، وكتضربني الفيقة في نصاصات الليل ونحل الأنترنت ونتأكد باللي راني مازال رئيس حكومة. وكيجيني بوشباط في الحلم وكيقجني ويدي ليا كرسي الحكومة. وشي مرات كنحلم بجبهة كبيرة غادي تخرج ليا، وكنشوف لشكر كيضحك عليا. وراهم قالو ليا هادو هوما علامات واحد سكنوه العفاريت. تسليييييييم.

المهم غادي نزور القبة هاد الأيام وندي ليهم الشمع و”القوالب” ديال السكر، ونشوفو مع الفقيه بوصنطيحة يبخر لينا المحال ديال الحزب، وندويو مع مادموزيل الشوافة دير لينا شي حجاب، راه هاد الشي ولى خالعني.

فهمتيني ولا لا؟