• بالصور من جرادة.. أخنوش يتواصل مع ممثلي المجتمع المدني ويعد بإبلاغ مشاكل الإقليم إلى الحكومة
  • سنة 2017.. حجز وإتلاف 4730 طنا من المنتجات الغذائية غير الصالحة للاستهلاك
  • الطاقة النووية.. اتفاق بين المغرب واسبانيا
  • بالصور من جرادة.. إضراب عام ومسيرات متفرقة
  • أخنوش من جرادة: الفلاحة الوطنية بعيدة عن أي حساسية أو مزايدة سياسية
عاجل
الثلاثاء 25 ديسمبر 2012 على الساعة 11:23

يحيا الكفر!!

يحيا الكفر!!
الفقيه بوصنطيحة

ودابا داخلنا عليكم بالله واش هادو مسلمين ولا شنو؟

قاليك أسيدي راه حرام تحتفل براس العام، واخا أمولاي، نمشيو معاهم فهاد الطرح. راس العام ديال الكفار، وتبادل الهدايا بهذه المناسبة تشبه بالكفار. ما نطفيو شمعة، ما ناكلو حلوة، ما ناخذو عطلة… هاد الشي كامل ديال الكفار، إيوا وداك الفايس بوك صاوباتو خالتي؟ وداك البارابول اللي كنتفرجو فيه على دوك الفقها ديال جوج دريال (ديال السعودية ماشي ديال المغرب) صاوبو الحاج أحمد؟ إيوا وديك الطيارة صاوبها أسامة بلادن؟ إيوا كونو “مسلمين” وبقاو راكبين الجمال وتاكلو غير التمر ويلا بان ليكم شي بورطابل قولو راه رجس من عمل الشيطان.
والله يلا ملي كنسمع شي فقها كيقولو بحال هاد الهضرة كنحشم نقول على راسي عربي ولا مسلم، آش هاد التخلف أعباد الله. وباش نجيكم نيشان أنا مع الكفار يالاه.
تشاو تشاو.