• الإجهاد في العمل يسبب السرطان.. ما تبقاوش تخدموا بزاف!
  • خدموا معاه السلاح.. الشرطة الفرنسية تقتل المتهم في أحداث سوق الميلاد
  • الروح غير الرياضية.. مشجعان من بوكاجونيورز يقتلان مشجعا من ريفيربلايت
  • صدق أو لا تصدق.. المغرب بحال السويد وأحسن من أمريكا!
  • بعد الأطباء.. المحامون مطالبون بأداء الملايين للضرائب
عاجل
الخميس 16 أغسطس 2018 على الساعة 15:30

سلمى رشيد ودنيا بطمة وفيصل عزيزي.. معركة الكلاشات على إنستغرام!

سلمى رشيد ودنيا بطمة وفيصل عزيزي.. معركة الكلاشات على إنستغرام!

حرب افتراضية دايرة بين ثلاثة فنانين مغاربة، سلمى رشيد وفيصل عزيزي ودنيا بطمة. كلاشات وانتقادات بالجملة بتقنية التدوينات والستوري، والمتابعين كيزيدو يشعلوا العافية. كيفاش؟

تدوينة سلمى رشيد تشعل الحرب
القضية بدات مع سلمى رشيد فاش كتبات باللي الفنان هو اللي خاص الأغاني ديالو يحفظها الجمهور ويرردها معاه، ماشي يغني أغاني غيرو أو يتشهر على مواقع التواصل الاجتماعي بأشياء من غير الفن.

بطمة وعزيزي مقصودين؟

زوج فنانة أحسوا بأنهم مقصودين بهاد الكلام، كان أولهم فيصل عزيزي واللي تشهر بأغنية “هاك آ ماما” واللي هي أغنية من الثراث، وكان الرد ديالو على سلمى رشيد بأنه عندو جمهور حافظ أغانيه وباللي ما خاصش الفنان يعتبر الجمهور “خرفان تابعة”.
الفنانة الثانية كانت دنيا بطمة، واللي أجمع أغلب المتابعين على أنها هي اللي كانت المقصودة بكلام سلمى رشيد. دنيا قالت باللي هي “صاحبة الفخامة” وباللي ماضيها حاضرهم. كما أكدت أنها أول فنانة افتتحت مهرجاناتها بالنشيد الوطني، في إشارة إلى سلمى رشيد اللي غناتو مؤخرا في أحد المهرجانات.

رد سلمى رشيد
سلمى رشيد كذلك بدات كترد، ولكن بطريقة غير مباشرة. بدات كتنشر صور من الحفلات وزادت عليهم حتى “سبونسورينغ” باش يوصلو لأوسع نطاق وعلى خلاف عادتها.

توضيح دنيا بطمة
في صورة “سكرين شوت” من محادثة لدنيا بطمة مع أحد متابعيها قالت دنيا باللي حاولت تتواصل مع سلمى رشيد عبر تطبيق واتساب ولكن الأخيرة لم ترد.