• ردوا البال.. رياح قوية في الشمال وأمطار عاصفية في بعض المناطق وحرارة مرتفعة في أخرى
  • بالصور والفيديو من الرباط.. مكفوفون يعتصمون في سطح مقر وزارة الحقاوي
  • قيادة البيجيدي للطالبي العلمي: وعلاش انت باقي فهاد الحكومة؟
  • أمزازي: طوينا صفحة البغرير والملاوي والبريوات
  • إطلاق الرصاص على زورق.. القصة الكاملة
عاجل
السبت 11 أغسطس 2018 على الساعة 22:30

التبرهيش فين وصل.. صفحة فايسبوكية تصطاد الباحثين عن التمثيل في الأفلام الإباحية!!

التبرهيش فين وصل.. صفحة فايسبوكية تصطاد الباحثين عن التمثيل في الأفلام الإباحية!!

الفايسبوك فيها بزاف ديال الحوايج زوينين، ولكن كاين اللي واخدوا تبرهيش ولو على حساب سمعة الناس. كيفاش؟
ظهرت على موقع الفايس بوك صفحة تحمل اسم “بورنو عرب”، دارت عرض للراغبين في تصوير فيديو إباحي، بأثمنة مختلفة حسب الجنس والحالة الاجتماعية.
الغرض ديال الصفحة هو تشويه سمعة الناس فقط، حيث فاش كتوصلها رسالة من عند شي واحد، وبدون سابق إنذار كتحط صورتو وكتقول باللي هو واحد من المشاركين.
وليد كان أحد ضحايا هاد الصفحة، وكان أول واحد تحطات الصورة ديالو على الصفحة كمشارك.
وفي تصريح لهذا الشاب لموقع “كيفاش”، قال: “أنا صيفط ليهم فالخاص غير بالضحك، وما جاوبوني كاع، غير قراو الرسالة ناضو حطو صورتي، وهاد الشي جبد ليا الصداع مع دارنا وخطيبتي”.
وأضاف: “طلبت منهم يحيدو داك الشي لأنني ما عطيتهمش الموافقة باش يحطو صورتي، ولكن ما بغاوش، هكاك علاش طلبت من صحابي يديرو معايا حملة ديال السينيال للصفحة”.
وبعد ساعات فقط، وبسبب عدد التبليغات الكثير تم حذف الصفحة من طرف إدارة موقع الفايس بوك، لكن صورة وليد لازلت متداولة في الموقع الأزرق كواحد من المرشحين لتصوير فيديو بورنوغرافي مع شركة لا وجود لها من الأساس.