• الخليع يزف الخبر السار.. البراق بالمجان ثلاثة أيام
  • بعد الارتفاع الكبير.. انخفاض طفيف في أسعار المحروقات
  • عمال وموظفو الجماعات.. دعوة إلى الإضراب يوم 29 نونبر
  • تقرير بريطاني: الرجاء “أرخص” من الوداد!
  • بعد تدشين البراق.. الملك يطلق مشاريع سككية كبرى في الرباط
عاجل
الخميس 26 يوليو 2018 على الساعة 12:40

قبل ما يشدو العطلة.. البرلمانيين ديال فرنسا زيّرو الفيزا على المغاربة

قبل ما يشدو العطلة.. البرلمانيين ديال فرنسا زيّرو الفيزا على المغاربة

بمنطق حلال عليكم وحرام على المغاربة عطلة الصيف، النواب البرلمانيين ففرنسا ما خرجو للعطلة ديالهوم حتى زيّرو الفيزا على المغاربة، بعدما صادقو، بسرعة قصوى، على مشروع قانون جديد. كيفاش؟

هاد مشروع القانون، اللي تصادق عليه، فيه إجراءات مشددة على الهجرة فبلدان شمال إفريقيا، وفالمقدمة ديالها المغرب، حيت هوما اللي كثار بشكل غير قانوني ففرنسا، إضافة إلى الجزائريين.

والأكثر من هاد الشي، هاد القانون فيه مادة كتقلص عدد الفيزات الممنوحة لعدد من الدول، وفيه حتى الترحيل لغير القانونيين فحالات معينة، ومنهم مغاربة وتوانسة وسنغاليين وغيرهم.

وبطبيعة الحال، هاد القرار سبب ردود فعل كبيرة، خصوصا من الجمعيات اللي مساندة للمهاجرين وكتدافع عليهم.