• هاد الشي ما بغاش يسالي.. إنقاذ أكثر من 440 مهاجرا في إسبانيا
  • المجلس الاقتصادي والاجتماعي: اللي بغا يقرّي ولادو مزيان خاصو يخلّص بزاف
  • نواحي الناظور.. ما لقى فين يربط البغل ربطوا فباب مدرسة!! (صور)
  • يرأسه العثماني.. وفد حكومي في الحسيمة
  • بعد انتشار الاشاعة.. الستاتي ينفي خبر وفاة الفنان ميمون الوجدي
عاجل
الأربعاء 25 يوليو 2018 على الساعة 15:20

مريم البشير.. “ميا خليفة” ديال البوليساريو!! (صور)

مريم البشير.. “ميا خليفة” ديال البوليساريو!! (صور)

من نوادر الصدف أننا نلقاو عربية أو مغاربية في أفلام “خاصة بالكبار”، واللي من أشهرهم اللبنانية مي خليفة، ولكن ما نبعدوش بزاف، أحد زعماء جبهة البوليساريو ولد وحدة من هاد “الفنانات” اللي قدرو يتعرفو هاد المجال بطريقة خاصة. كيفاش؟

من تندوف إلى أمريكيا

مريم البشير ابنة البشير مصطفى السيد، واحد من زعماء جبهة البوليساريو. هي من مواليد 1988 في مخيمات تندوف. عاشت وكبرات تما حتى وصلات لـ13 سنة. احتضنتها واحد العائلة في إسبانيا، وبعد 4 سنوات تقريبا انتقلت إلى الولايات المتحدة ثم الجزائر، وفاش وصلات 18 عام استقرت فإسبانيا من بعد فاش شدات البكالوريا ديالها.

دراسة الصحافة

من بعد، مريم دخلت مجال الصحافة. ومن بعد قرات الدراسات العربية، ولكن تخلقو ليها بزاف ديال المشاكل، حيث ما قدراتش توفق بين العمل والدراسة، فقررت تتوقف عليهم بجوج.

حلم جنسية إسبانية

وسط هاد المشاكل كلها، وكثر من عشر سنوات ما شافت الأقارب ديالها واللي العدد ديالهم 16، الأب ديالها و9 إخوة أشقاء و5 إخوان من زوجة الأب، وكذلك الحلم ديالها بالحصول على الجنسية الإسبانية، قررت أنها تمشي تشارك فـ”كاستينغ” ديال واحد الفيلم إسباني.

دور جريء

فاش جربات الحظ ديالها، مخرج الفيلم شاف فيها جميع المواصفات اللي بغا، واخا ماشي ممثلة جيدة ولكن الشكل ديالها والهيأة ديالها مناسبة لواحد الدور جريء في داك الفيلم.

خرجات الطريق

بالضبط فسنة 2014 غادي يخرج الفيلم الإسباني “النينيو”، وهو الفيلم اللي شاركات فيه مريم، وخلق عليها جدل كبير كأول صحراوية تتعرا في السينما.

الأب ديالها شبع انتقادات، بحكم أنه واحد من أقوى الرجال في البوليساريو، ولكن بنتو خرجات الطريق.

صور جريئة

فسنة 2015، مريم البشير حاولت تستغل البوز وبدات دير صور على أغلفة بعض المجلات الخاصة بالكبار. صور جريئة جدا، تظهر فيها ابنة الزعيم عارية أو مكتفية بملابس السباحة فقط.

دور جديد

فالسنة الموالية، شاركت في الفيلم الإسباني “جولييتا”، والذي لا يقل جرأة عن سابقه، ومن بعد قل نشاطها على مواقع التواصل الاجتماعي، لتعود إلى الظهور شهر أبريل الماضي في إعلان ترويجي لفيلم إسباني جديد، غادي تكون فيه كالعادة في دور جريء ما قبلو حتى واحد وشداتو هي.

لادينية

ومن أهم تصريحات مريم للقنوات الإسبانية، تصريحها بأنها لادينية، وكذلك قولها بأن الأوضاع غير مستقرة في مسقط رأسها.