• ممن تعذر عليهم السفر.. جماهير اتحادية حيحات بالفرحة فالحي المحمدي (صور)
  • رفضا للمادة 9 من قانون المالية.. المحامون يحتجون أمام البرلمان
  • نهائي كأس العرش.. انتصار تاريخي للاتحاد البيضاوي وخيبة أمل كبيرة لحسنية أكادير (صور وفيديوهات)
  • النصيري والعقم التهديفي.. إحباط مع النادي وصافرات إستهجان أمام موريتانيا 
  • العثماني كيقطر الشمع: المشوشون يفعلون ذلك لحسابات سياسية… والمعقول سينتصر
عاجل
الإثنين 23 يوليو 2018 على الساعة 20:45

زوجة المتهم بالخيانة الزوجية في مراكش: شفتو مع الفرنسية فاللايف معانقين وكيتباوسو

زوجة المتهم بالخيانة الزوجية في مراكش: شفتو مع الفرنسية فاللايف معانقين وكيتباوسو

كشفت زوجة الرجل الذي اعتقلته السلطات الأمنية في مراكش بتهمة الخيانة الزوجية، مع سائحة فرنسية، تفاصيل جديدة في القضية.

وقالت زوجة المعني بالأمر، في اتصال هاتفي مع موقع “كيفاش”، “هاديك الأجنبية عارفة باللي رجلي مزوج، جات نهار الخميس (12 بوليوز)، وسهرو مع بعضياتهم وداو اللايف فالفايس بوك، معانقين وكيتباوسو، وأنا كنتفرج فداك الشي”.

وأضافت المتحدثة: “كانو كيباتو فالإقامة ديال بات رجلي.. مشيت سولت العساس إينا شقة فاش كاينين، قال ليا اللي كنكونو فيها ديما، وعيطت للبوليس، ما كملاش 5 دقايق جاو، وبقاو معايا حتى للستة دالصباح، عاد دارو المداهمة، ولقاوهم بجوج”.

واسترسلت الزوجة، مستعيدة ما حدث ليلة الاعتقال (السبت 14 يوليوز)، “ملي مشينا عند الضابطة القضائية اعترفوا بجوجهم باللي نعسو مع بعضياتهم، ودوزو 24 ساعة في الحراسة النظرية”.

ونفت المتحدثة ما جاء في تصريحات “عشيقة” زوجها لبعض الصحف الفرنسية، حول تعرضها لسوء معاملة خلال وجودها رهن تدابير الحراسة النظرية، موضحة: “أنا كنت معهم عند الضابطة القضائية، عاملونا مزيان، وهي أي حاجة طلبتها عطاوها ليها، جابو ليها ترجمان، وخلاو ليها تليفونها ومنو عيطات للمحامي وعائلتها وصاحبتها، وجابو ليها الماكلة وقرعة ديال الما، كلشي تعامل معها مزيان”.

وأكدت الزوجة أن السائحة الفرنسية تم إطلاق سراحها بعد دفعها غرامة مالية، قائلة: “هي خرجات بكفلة مالية 5000 درهم خلصها بات رجلي”.

وكانت المديرية العامة للأمن الوطني قدمت مجموعة من التوضيحات حول ظروف وملابسات إيداع السائحة الفرنسية تحت تدبير الحراسة النظرية على خلفية تورطها في قضية تتعلق بالخيانة الزوجية والمشاركة.

إقرأ أيضا:اعتقال فرنسية وعشيقها بسبب الخيانة الزوجية في مراكش.. البوليس يوضّح