• أكد دعم السعودية رغم احتمال علم ولي العهد بخطة قتل خاشقجي.. ترامب باغي غير الفلوس!!
  • في الثانية و42 دقيقة صباحا.. المغرب يطلق قمره الصناعي الثاني
  • في 10 أشهر.. 18 مليون مسافر عبروا مطارات المغرب
  • رونار معلقا على أحداث ملعب رادس: إنها القارة الإفريقية والمواجهة المغاربية!
  • تنظيم كأس العالم 2030.. البرتغال ترغب في الانضمام إلى المغرب وإسبانيا
عاجل
الإثنين 16 يوليو 2018 على الساعة 23:10

الطبيبة اللي ولّدات مرا فالطيارة بين كازا ومونتريال: ما كنتش عارفة واش نقدر نديرها (صور)

الطبيبة اللي ولّدات مرا فالطيارة بين كازا ومونتريال: ما كنتش عارفة واش نقدر نديرها (صور)

محمد المبارك

قصة السيدة اللي ولدات على متن الطائرة اللي غادية من الدار البيضاء إلى مونتريال كانت مليئة بالأحداث الجميلة، خاصة أن طبيبة متدربة من ركاب الطائرة هي اللي تشجعات وولدات المرا الحاملة.
الطبيبة فاطمة الزهراء بنعبد الرازق روت، لموقع “كيفاش”، الظروف اللي مرت فيها الولادة من البداية، وقالت: “أنا غادية لمونتريال باش ندوز سطاج من بعد ما ساليت السنة السادسة ديالي في المغرب، وواحد مضيفة طيران قالت ليا باللي سيدة جاها آلالام المخاض وغادي تولد في الطائرة، وقلت ليهم أنني ما زال ما طبيبة رسميا وخاص ديرو نداء في الطائرة لعل وعسى يكون شي مختص معنا”.
وأضافت فاطمة الزهراء: “دارو النداء وما كان حتى واحد، فتشجعت وقررت نتكلف، درت الإجراءات الطبية اللازمة وعرفت أنها غادي تولد ديك الساعة، قلت للسيد المكلف يوجد الأدوات ديال الولادة، ثم درت اللازم وولدت السيدة قبل ما تنزل الطائرة، وفاش وصلنا للمطار في كيبيك وجاو رجال الإسعاف وشافو الأم والطفل قالو ليا 5 أو 6 مرات: عمل جيد”.
ولم تخف الطبيبة سعادتها بما قامت به، قائلة: “كنت فرحانة بزاف خاصة أنني شفت الدري واللي تزاد في الشهر السابع والأم ديالو في صحة جيدة، وما تصورتش أنني نقدر ندير هاد الشي بوحدي بدون طبيب مختص”.