• معرض اسطنبول الدولي للابتكار.. المغرب يفوز بميداليتين ذهبيتين و7 جوائز
  • دعا إلى عدم الزج بالمؤسسات الدستورية في الصراعات الضيقة.. الأحرار يرد على تقرير جطو
  • ب”مين عذبك”.. المغربية حفيظة فالكو تبهر لجنة التحكيم في برمامج ذا فويس (فيديو)
  • محاولة لطمس الهوية المغربية وتسويق التفاهة.. مغاربة ساخطين بعد إطلاق قناة “إم بي سي”
  • تمشاو على رجليكم ولا بالبيكالات.. “يوم بدون سيارات” في الرباط! (صور)
عاجل
الأحد 15 يوليو 2018 على الساعة 21:30

البرتقالة المرة ديال بصح.. قصة مُبكية لفاطمة القنيطرية اللي حمّقها الحب!

البرتقالة المرة ديال بصح.. قصة مُبكية لفاطمة القنيطرية اللي حمّقها الحب!

محمد المبارك

أبناء مدينة القنيطرة أغلبهم كيعرفو فاطمة “لحمقة” اللي كتوقف في العلامة ديال الطوبيس وكتوقف الطاكسيات، ولكن ما عرفوش القصة الحقيقية ديالها، واللي رجعات فيلم من بعد بعنوان “البرتقالة المرة”.
تحكي إحدى جارات هذه السيدة لموقع “كيفاش” كيفاش تبدلت فاطمة من بنت شابة طموحة إلى أشهر “حمقة” في مدينة القنيطرة.

علاقة
فاطمة كانت على علاقة مع واحد الشاب ولد الحي ديالها، واللي هاجر لأوروبا وبقى كيرجع غير من الصيف للصيف. فاطمة بقات متعلقة بهاد الشخص، وقت ما جا للمغرب كتلاقى معاه و كتخرج معاه، ورغم إلحاح الأخت ديالها تديها معاها للسعودية إلا أن فاطمة بغات تبقى في المغرب في انتظار الحبيب.

زواج الحبيب
من بعد سنوات، “مجنن” فاطمة جا للمغرب، وقررت الأم ديالو تزوجو بفتاة من الاختيار ديالها، وفاطمة فاش سمعات الخبر بقات كتغوت في الحي وكتقول باللي هاد الشاب كانت معاه وكتبغيه ودارت معاه علاقات وماشي من حقو يتخلى عليها.

أزمة نفسية
من بعد فاطمة دخلات في أزمة نفسية، وفواحد نهار “مجنن” فاطمة كان غادي هو والأم ديالو في طوموبيل إلى ورزازت، باش يتزوج بالسيدة اللي خطبات ليه الأم ديالو، حتى دار كسيدة ومات هو والأم ديالو، واللي خلات الناس يقولو هادو غير ذنوب فاطمة و دعواتها.

نهاية حزينة
فاش سمعات فاطمة الخبر، بقات كتسنى حتى جات الجنازة وبدات كتدعي عليه قدام الناس، ومن بعد تسطات ورجعات كتوقف في بلاكة ديال الطوبيس وكتشير للطاكسيات وكتقول أنها كتسناه يبان.