• مراكش.. إطلاق برنامج للتكوين في الترافع المدني عن مغربية الصحراء
  • إكسسوارات ومعاطف وسترات.. البوليس المغربي بحلة أنيقة (صور)
  • إعلان أكادير في ختام “مبادرة الحزام الأزرق”.. التشغيل ومحاربة الفقر من عمق البحر! (صور)
  • لصالح الأولمبيين.. رونار يفكر في إسقاط 5 أسماء مهمة في ودية الأرجنتين
  • فهم تصطّى.. خليجي عطا 5 ملايين دينار لفنانة كويتية باش ما تقلّقش! (فيديو)
عاجل
الخميس 28 يونيو 2018 على الساعة 23:59

قصة مؤثرة.. مكسيكي حقق الحلم ديال مراتو وولادو اللي ماتو (صور)

قصة مؤثرة.. مكسيكي حقق الحلم ديال مراتو وولادو اللي ماتو (صور)

محمد المبارك

مشجع مكسيكي سافر إلى روسيا باش يحضر كأس العالم، وهاز 4 بطاقات ديال مشجعين واخا هو مسافر غير بوحدو، الشي اللي خلى بزاف علامات الاستفهام.

المشجع المكسيكي سميتو جيلبيرتو مارتينيز، ودا معاه البطاقات ديال الأسرة ديالو، مراتو وولادو “ميا” و”دييجو”، اللي ما قدروش يمشيو معاه لروسيا حيث ماتو فحادث في الولايات المتحدة الأمريكية.

وحسب ما ذكرته وسائل إعلام مكسيكية، فإن زوجة المشجع أرجنتينية شرات التذاكر وخلصات كولشي باش تحضر هي والأبناء ديالها في كأس العالم، وقبل أسبوع تقريبا سافرت هي وولادها لمدينة ميامي الأمريكية، وتما ماتو في كسيدة كاملين، والأب نجا حيث ما كانش معهم، لهذا قرر يحقق الحلم ديالهم ويكتب الأسماء ديالهم فحوايجو ويهز البطاقات ديالهم باش يحس باللي راهم معاه.

هاد القصة وصلات للاعبين ديال منتخب المكسيك، وهوما يعرضو عليه للتدريب وتصور معهم، ووسائل الإعلام المكسيكية صورات معاه باش تنشر القصة ديالو، وحتى اللاعبين واعدوه أنهم غادي يديرو مجهودهم تكريما للأرواح ديال عائلتو.

وللإشارة، فإن المكسيك تأهلت إلى الدور الثاني في كأس العالم، بعد أن احتلت وصافة المجموعة السادسة خلف السويد، لتواجه البرازيل في دور الـ16.