• لا رونالدو ولا صلاح.. الكرواتي لوكا مودريتش أفضل لاعب في العالم
  • زوجة ميمون الوجدي: زوجي حي يرزق.. واللي خرجو إشاعات النصب غرضهم إجهاض حفل المساعدة
  • طنجة.. توقيف موظف مُتهم باختلاس أموال المخالفات
  • أغلبهم يفضلون الجعة.. المغاربة نقصوا من الشراب
  • بالفيديو من سوق الثلاثاء.. انتحار عشريني في عمود كهرباء
عاجل
الأحد 17 يونيو 2018 على الساعة 16:50

الدموع.. الموضة الجديدة للمشاهير!

الدموع.. الموضة الجديدة للمشاهير!

محمد المبارك

من قبل كنا كنشوفو دموع الفنانين في أوقات مؤثرة، في جنازات فنانين آخرين أو في موت شي واحد من العائلات ديالهم، ولكن دابا دموع الفنانين ولات موجودة، وكاين اللي الدموع ديالو موجودين خاصو غير علاش. كيفاش؟
بالنسبة لبعض الفنانين اللي فقدوا ناس عزاز، كالوالدين أو الإخوة فالدموع كتكون مسألة عادية، ولكن علاش الفنان ما يطلبش أن هاد المقطع ديال البكاء يتحيد من بعد التسجيل؟ كنلقاو نفس الفنان بكى مرات في قنوات مختلفة وعلى نفس السؤال، يعني ببساطة كان يقدر يطلب من المقدم ما يدخلش معاه فهاد التفاصيل منذ البداية، وكيفما شحال من مشهور أو فنان كيطلبها، وعلى سبيل المثال الفنانة سعيدة شرف اللي بكات أكثر من مرة في حوارات إعلامية فاش كيذكرو ليها والديها.
من جهة أخرى، ماشي كل الفنانة عندهم ذكريات حزينة اللي تخليهم يبكو، ولكن في إطار المنافسة الجديدة اللي هي “موضة البكاء” في حوارات، كنلقاو فنان كيبكي غير على قبل فيديو ديال أحد المعجبين قاليه “كتعجبني بالتوفيق “، رغم أن هاد الفنان كيكونو عندو ملايين المعجبين اللي ديما كيكتبو ليه فمواقع التواصل الإجتماعي “كنبغيوك”.