• مؤسس منتدى كرانس مونتانا عطى العصير للجزائر: لعبك خايب في ملف الصحراء وأنت اللي كتدفعي الثمن دائما!
  • الواحد هو اللي يستغل البوز.. شركة دارت تيشورتات “إكش وان إكن وان”!
  • ابن كيران: موقف نزار بركة قريب للموقف ديالي… ووزير التعليم يمكن ما واعيش أشنو كيدير
  • بالطبالة والغياطة والعمارية.. نيبا تصالح مع سيمو ظاهير (صور)
  • الكروج: فخور للغاية أنني احتفظت بالرقم العالمي لمسافة 1500 متر لمدة 22 سنة
عاجل
السبت 16 يونيو 2018 على الساعة 23:46

راقي مغربي: المنتخب مسحور واللاعبين خاصهم الرقية الشرعية!!

راقي مغربي: المنتخب مسحور واللاعبين خاصهم الرقية الشرعية!!

محمد المبارك

بعيدا عن التحليلات الكروية المعقدة، وتكتيكات المدربين، راقي شرعي مغربي لقى سبب خسارة المغرب وحتى هدف بوهدوز ضد مرماه وإصابة امرابط. كيفاش؟
في دردشة له مع موقع “كيفاش”، قال الراقي “المختار أ”، باللي مباراة المغرب مع إيران كانت فيها علامات سحر واضحة، وخاصة السقوط المتكرر ديال اللاعبين والإصابات ديال المغاربة، وكذلك الكرة اللي ما بغاتش تدخل للمرمى واخا المحاولات العديدة اللي دار المنتخب المغربي.
وقال الراقي باللي هاد السحر يمكن يكون محطوط فالملعب، واللي تخطاه كيتصاب “بالمس” وكيبدا يخسر التسديدات قدام المرمى، ويعتقد أن السحر تحط في الدخلة ديال اللاعبين المغاربة، حيث بوهدوز مع دخل تخطاه وفاش دخل المباراة صدق سجل هدف على راسو.
وكحل اقترح المختار أن اللاعبين المغاربة يديرو الرقية الشرعية باش يرجعو للمستوى ديالهم قدام البرتغال وإسبانيا، لأن السحر المفعول ديالو يبقى دايم حتى تدار الرقية وقال أنه “هاد الشي غادي يتأكد في مباراة المغرب مع البرتغال وإسبانيا وتشوفو اللاعبين شنو غادي يوقع ليهم!!!”.