• بالصور من جرادة.. أخنوش يتواصل مع ممثلي المجتمع المدني ويعد بإبلاغ مشاكل الإقليم إلى الحكومة
  • سنة 2017.. حجز وإتلاف 4730 طنا من المنتجات الغذائية غير الصالحة للاستهلاك
  • الطاقة النووية.. اتفاق بين المغرب واسبانيا
  • بالصور من جرادة.. إضراب عام ومسيرات متفرقة
  • أخنوش من جرادة: الفلاحة الوطنية بعيدة عن أي حساسية أو مزايدة سياسية
عاجل
الخميس 08 نوفمبر 2012 على الساعة 12:33

سياسة الباركينغ!!

سياسة الباركينغ!!
الفقيه بوصنطيحة

مرة أخرى خاصنا شحال ديال الدعوات للتعليق على المستوى الهزيل الذي يسقط فيه النقاش السياسي في هاد البلاد السعيدة. حشمتو بينا الله يحشم بيكم. بهدلتونا الله يجيب اللي يبهدلكم. ضريتونا فراسنا الله يعطيكم الشقيقة كاملين… وكل واحد يزيد من عندو داك الشي اللي فقلبو.

مثل هذه الدعوات وحده ينفع كرد فعل على المستوى الهزيل الذي سقطت فيه السياسة المغربية، بعدما اعتقدنا أن الدستور الجديد غادي يخلي عباد الله يكبرو شوية عقلهم، فإذا بنا نصل إلى “سياسة الباركينغ”، وربما ندخل في الأيام الموالية مرحلة “سياسة الطواليط”، لنعنون هذه المرحلة كلها بـ”مرحلة السياسة حاشاك”، ونجمعو ونطويو، ونخليو الناس يعيشو الربيع العربي، ونكتفي نحن، أهل الاستثناء والخصوصية، بالصيف العربي.

حكيم بنشماش، رئيس فريق الأصالة والمعاصرة في مجلس المستشارين، والمقاتل رقم 1 في وجه أسطول البيجيدي، واللي كان كيبان فيه الخير، كونه يدافع دوما عن الرقي بمستوى النقاش تحت القبة، ما لقى باش يحصل عبد الإله بنكيران، في جلسته الشهرية أمام أعضاء الغرفة الثانية، (لم يجد) غير إشهار البورطابل ديالو باش يقول لرئيس الحكومة راني حصلتك مصطاصيوني فبلاصة أنتيردي. الناس اللي بغاو الخدمة فبنشماش خرجو ليه شي تصويرة فيها الطوموبيل ديالو في نفس الموقف… وأراك للرقي بالنقاش السياسي.

صراحة، المسؤول الأول عن هذا الوضع (واخا كلشي كان غير على سبة)، هو عبد الإله بنكيران، فهو الذي دشن بدعة “بساطة الخطاب”، غير أنه شي بعضين بغاو يقلدوه فإذا بهم يزيدون بالسياسية إلى عمق الهاوية.

هزو النيفو شوية يا الخوت.

تشاو تشاو.