• دراسة لاتخاذ القرار.. المغرب كيفكّر يبدّل ساعة بأخرى!
  • اتفاقية.. العدول ينخرطون في نظام التقاعد
  • مهرجان الجونة.. سميرة سعيد رفقة كبار نجوم مصر
  • بغاو يطلعو النيفو.. اتحاد طنجة شريكا لإسبانيول برشلونة
  • بالصور من القنيطرة.. الفايس بوك يفضح السحر مقبرة!!
عاجل
الثلاثاء 12 يونيو 2018 على الساعة 17:04

يباتو فحال ويصبحو فحال.. قصة الفتى كيم والشيخ ترامب (فيديو)

يباتو فحال ويصبحو فحال.. قصة الفتى كيم والشيخ ترامب (فيديو)

طارق باشلام ووكالات

العلاقات المتقلبة بين الرئيس الأمريكي دونالد ترامب والزعيم الكوري الشمالي كيم جونغ اون خدات، في الأشهر الأخيرة، اتجاه ما كانش متوقع، سالا بطريقة سلمية، بانعقاد القمة التاريخية في سنغافورة.

ويلا رجعنا شوية غير لـ2 يناير من السنة الماضية، الرئيس الأمريكي، وحتى قبل ما يتولى المنصب ديالو، كان صرّح باللي “كوريا الشمالية ما عمرها تقدر على تطوير سلاح نووي يوصل حتى الأراضي الأميركية”.

وسرعان ما اتخذ الخطاب التصعيدي بين الزعيمين منحى شخصيا حادا، وبداو المشاكل بيناتهم بشكل رسمي، وكان كياخد فبعض الأحيان الطابع الشخصي.

إلغاء قمة سنغافورة

هاد القمة ديال 12 يونيو الجاري، ألغاها ترامب في وقت سابق، في رسالة إلى كيم في 24 ماي الماضي، كتب فيها “كيبان لي باللي من غير الملائم حاليا إبقاء هذا اللقاء المقرر منذ وقت طويل”.

انعقاد القمة

لكن مفاجأة جديدة حصلت مع تأكيد ترامب، بعد ثلاثة أيام فقط من إعلان إلغاء القمة، باللي فَريق أميركي كاين في كوريا الشمالية وكيحضر اجتماع مع كيم.

ووقع الزعيمان الأمريكي والكوري وثيقة مشتركة أكدت فيها بيونغ يانغ تعهدها بنزع كامل للسلاح النووي في شبه الجزيرة الكورية، فيما وعدت واشنطن بضمانات أمنية لكوريا الشمالية.