• اعترفت بالمجهود.. المنظمة المغربية لحقوق الإنسان تطالب بقانون للهجرة واللجوء
  • بقات مصرة.. ميركل تطالب الجزائر بترحيل مواطنيها من ألمانيا
  • من 199 إلى 240 درهما.. “أورنج” تطلق عروضا جديدة للويفي ديال الدار
  • البرلمانية التجمعية أسماء اغلالو لعبد العزيز أفتاتي: هبل تعيش!
  • باب سبتة.. حجز أزيد من 10 آلاف حبة قرقوبي
عاجل
الإثنين 11 يونيو 2018 على الساعة 17:30

زوجة المهدي بنعطية.. أناقة وجمال وطفل لكل فريق!

زوجة المهدي بنعطية.. أناقة وجمال وطفل لكل فريق!

محمد المبارك

المهدي بنعطية، قائد المنتخب المغربي، عندو قصة مختلفة على أغلب لاعبي المنتخب فيما يخص حياته الشخصية.

المهدي بنعطية متزوج من سيدة فرنسية سميتها “سيسيل”، كبر منو بأربع سنوات، حيث تاريخ ازديادها 1983 وهو 1987، العلاقة ديالهم كانت علاقة حب بدات قبل عشرة سنوات فاش المهدي كان مجرد لاعب مغمور، في أندية صغيرة، بل كان مرفوض من قبل الأندية الكبيرة، والراتب السنوي ديالو كان أقل من الراتب الشهري ديالو حاليا.

سيسيل هي رفيقة درب المهدي، وبدات معاه من الأيام ديالو الأولى وكانت ديما فجنبو، رغم الظروف الصعيبة اللي عاشو في البداية، العلاقة ديالهم كانت قوية.

سنة 2009 غادي يولدو أول ثمرة لهاد الحب اللي سماوها لينا وديك الساعة كان كيلعب مع نادي كليرمون الفرنسي.

من بعد 3 سنوات، فاش المهدي كان فنادي اودينيزي الإيطالي غادي يجي طفل جديد سماوه قيس، ومن بعد الانتقال ديال لنادي بارين ميونخ الألماني سنة 2015 زوجة بنعطية غادي تولد بنت سماوها علية. ولأن زوجة المهدي فكل فريق كتولد طفل، فسنة 2018 غادي تولد طفل آخر سماوه نائل.

زوجة بنعطية دائما حاضرة معه فين ما مشا، ودائمة الحضور للمباريات والتظاهرات والحفلات. هي سيدة أنيقة وتتحدث ثلاث لغات، هي الفرنسية والإنجليزية والعربية، فكل نادي سيسيل كيضربو بها المثل كواحدة من أجمل زوجات اللاعبين والأكثر حرصا على زوجها والأولاد ديالها.