• عيش نهار تسمع خبار.. “تحدي القلم” لاختبار الرشاقة! (صور)
  • ما بغاش يتفرق عليها.. “الحساب الشبح” يطارد مريم سعيد (صور)
  • ما لقاو ما يقولو جابو الأرشيف.. حقيقة حادثة سير البراق قبل الانطلاق! (صور)
  • حتى الأموات ما خلاوهمش.. حقيقة فيديو تقطيع جثة خاشقجي!
  • بسبب ملتمس إلى خنوش.. قائد تندرارة يعنف رئيس اتحاد التعاونيات الرعوية
عاجل
السبت 02 يونيو 2018 على الساعة 09:34

وحدين بغاو يقلدوه ودارو الضحك فراسهم.. مامادو يلهم المهاجرين الأفارقة!

وحدين بغاو يقلدوه ودارو الضحك فراسهم.. مامادو يلهم المهاجرين الأفارقة!

طارق باشلام

الموقف الشجاع للمهاجر المالي مامودو غاساما بعد
إنقاذ حياة طفل كان غادي يطيح من الطابق الرابع لبناية في باريس، خلى هاد المهاجر ولات عندو سمعة طيبة فالعالم، بدلات حتى النظرة الدونية اللي كيشوفو بيها بعض السكان، وحتى مسؤولين في دول أوروبية وغيرها، “المهاجر السري ما كيجيو من وراه غير المشاكل”.
وفمقابل الإهانة أو المطالبة ديالو بالرحيل ولى الاسم ديالو “الرجل العنكبوت”، وعدد من مرتادي مواقع التواصل الاجتماعي حاولو يقلدوه، واخا كثير فيهم كان محط سخرية.

الجزاء.. ماكرون خدمو وعطاه الجنسية الفرنسية

بعد يومين فقط من إنقاذ مامادو للطفل اللي عمرو أربع سنوات، استقبله الرئيس الفرنسي إيمانويل ماكرون في قصر الإيليزيه.
وقال ماكرون، في تغريدة على تويتر: “عرفانا بالإنجاز الذي قام به غاساما ستتم تسوية أوضاعه القانونية في أقرب الآجال، كما أن الدفاع المدني في باريس مستعد لتوظيفه”.
وبالفعل تسلم مامادو، الثلاثاء الماضي (29 ماي)، تصريح إقامة رسميا في خطوة نحو الحصول على الجنسية الفرنسية، واخا الرئيس المالي ما عجبوش الحال وطلب من الرجل العنكبوت يرجع فحالو لمالي.

“مامادو غاساما” قدوة المهاجرين

الامتيازات اللي حصل عليها مامودو غاساما خلات كثير من نشطاء مواقع التواصل الاجتماعي، نساء ورجال، وخصوصا من مالي ودول أخرى إفريقية، يعرضو مؤهلاتهم البدنية وكيقولو لماكرون “حتى حنا نستحقو الجنسية الفرنسية” وهاد الشي أثار موجة سخرية على الفايس بوك.
وكان مقطع مصور كيبان فيه غاساما كيتسلق بشكل سريع للوصول إلى الطفل وسط تشجيع من المتابعين، وخلى بزاف دالمتأثرين به يحاولو يقلدوه.
وللإشارة هادي ماشي المرة الأولى اللي كيعبرو فيها المهاجرين على الشجاعة ديالهم، حتى مهاجر مغربي فايت ليه أنقذ سائح فرنسي من الغرق في نهر في مدينة إيطالية.