• وفت بوعدها.. وزارة الفلاحة تعوض الفلاحين المتضررين من الحمى القلاعية
  • بعد زوج نجاة الرجوي.. زوج دنيا بطمة وشم اسمها على يده! (صورة)
  • الملك محمد السادس: العدالة بين الفئات والجهات هي جوهر توجهاتنا السياسية والاقتصادية والاجتماعية
  • الخلفي عن “لقاء” بوريطة مع نتانياهو: المغرب لا يرد على الشائعات
  • يفوق سعر بيعها للعموم 900 درهم.. وزارة الصحة تخفض أثمنة 319 دواء
عاجل
الخميس 31 مايو 2018 على الساعة 15:29

باقي الخير فالبلاد.. أم لخمسة أيتام جمعو ليها 46 مليون سنتيم (صور وفيديو)

باقي الخير فالبلاد.. أم لخمسة أيتام جمعو ليها 46 مليون سنتيم (صور وفيديو)

محمد المبارك

بعد 14 يوم من أول نداء وجهته، جمع الناشط الفايسبوكي يوسف الزروالي 46 مليون و8000 درهم، لفائدة السيدة خديجة، أم لخمسة أيتام، اللي كانت كتعيش في ظروف صعبة مع ولادها، وكانت باغية شي واحد يخلص عليها فلوس الكراء لمدة سنة، لأن ما عندهاش معيل.

وحسب ما جاء على لسان يوسف، في فيديو نشره على صفحته، هاد الفلوس تجمعات في ظرف 14 يوم، وصيفطوها مغاربة من داخل وخارج أرض الوطن، وأن السيدة غادي تشري بيها منزل من 3 طبقات باش تسكن في طبقة وتكتري الآخرين.

ومن جهة أخرى، شكرت السيدة خديجة كاع الناس اللي عاونوها، وغلبتها دموع الفرح، لأنها ما توقعاتش هاد الفلوس كلها تكون من نصيبها.

وفي نهاية الفيديو، يوسف رد على الناس اللي قالو عليه سرقتي ليها فلوسها، ودار فيديو من أمام البنك باش يأكد للناس أنه حط ليها فلوسها فالحساب البنكي ديالها.