• لقجع للاعبي المنتخب: ما غيخصكم خير غير فرحو المغاربة 
  • المجلس الوطني لحقوق الإنسان.. بوعياش تستقبل أعضاء من جمعية ضحايا تازمامارت
  • غادي يعوض داكوستا.. رونار عيّط للودادي أشرف داري
  • لتمويل مشروع تعلية سد محمد الخامس ومحور طرقي.. المغرب يقترض ملياري درهم
  • “كود” يرد على بن شماش: ما سياسي ما ستة وزة
عاجل
الخميس 31 مايو 2018 على الساعة 11:23

“حراس الأخلاق” خرجوا عاوتاني.. ملثمون يعتدون على رجل وامرأة بدعوى ممارسة الجنس!! (صور)

“حراس الأخلاق” خرجوا عاوتاني.. ملثمون يعتدون على رجل وامرأة بدعوى ممارسة الجنس!! (صور)

محمد المبارك

أصحاب “شرع اليد” و”حراس الفضيلة” كيبانو بزاف فرمضان، وكاين اللي كيفوت السب والشت وطيبدا بالضرب وكينصب راسو قاضي القضاة. كيفاش؟
في منطقة قروية خلاء، مجموعة من الأشخاص دارو شرع يديهم واستخدموا الهراوات ضد رجل وبنت لقاوهم في سيارة بدون التحقق حتى من شنو كيديرو.
هاد المشهد وثقو مقطع فيديو انتشر على مواقع التواصل الإجتماعي، منذ الساعات الأولى من اليوم الخميس (31 ماي)، وكيبين مجموعة من الملثمين كيضربو رجل وبنت، هاد الأخيرة بانو فيها آثار الاعتداء لدرجة أن وجهها عمر بالدم.
في الحوار اللي داير بيناتهم، البنت كتقول باللي عندها بحث، وهما كيقولو ليها آش من بحث فالخلا.
والخطير في الأمر أنهم كيضربو بطريقة وحشية، بمبرر أن وجود الشخصين بوحدهم فالخلاء يعني أنهم كانوا كيمارسو الجنس.
“الدواعش الملثمين” صورو الاعتداء ديالهم على الشخصين وصورو حتى الماتريكيل ديال السيارة اللي كان فيها، كأن داك الشي اللي كيديرو تطبيق للقانون، وباللي مزيان ويستحق الإشادة.
ورغم أن القانون واضح فيما يخص العلاقة غير الشرعية، أو الإفطار العلني، ودليل واحد كيخلي الشرطة تدير خدمتها، ولكن هادو دارو “شرع يديهم”، كأن الدولة ما فيهاش مؤسسات، وهاد الشي خطير.

https://www.facebook.com/saiddin/videos/1874763552544509/