• بالصور من الرباط.. جمعيات الإعاقة تحتج
  • بالصور من ضواحي امحاميد الغزلان.. قطيع إبل يتسبب في مصرع سائق سيارة
  • بالفيديو من ابن سليمان.. لحظة إطلاق الرصاص على مشرمل
  • اتفاقية لتعزيز الداخليات والإطعام والنقل والأنشطة الموازية.. مشروع ملكي لمحاربة الهدر المدرسي
  • مشا بعيد.. طالب يبيع الكريموجين على الفايس بوك
عاجل
السبت 26 مايو 2018 على الساعة 00:15

“البوليسي الحكار” و”الأستاذ المقطوع”.. الكانة تبرر العنف!!

“البوليسي الحكار” و”الأستاذ المقطوع”.. الكانة تبرر العنف!!

محمد المبارك

ما دازتش أسبوع على الحادثة ديال “الأستاذ المقطوع” حتى بانت قضية أخرى ديال “الشرطي الحكار”. بزوج كان القاسم المشترك بيناتهم العنف والشتم، والقوي حكر على الضعيف، ولكن ردود الأفعال كانت متناقضة. كيفاش؟
فاش انتشرت قصة “الأستاذ المقطوع” ظهرت مجموعة من الناشطين تبرر وتدافع عن الأستاذ، ولقاو مجموعة من المبررات، باللي هاد الشي اللي وقع كان “تحت الضغط والاستفزاز ديال التلميذة اللي ما حترماتش الأستاذ لمرات متكررة”.
في المقابل، الأستاذ كان عندو حل من البداية، وهو أنه “يطردها من القسم ويكتب تقرير للإدارة”، وهذا هو الرأي اللي قالوه المتعاطفين مع التلميذة، لأنه، حسب تعبيرهم، “لا يوجد أي مبرر للعنف”.
أما في قضية “الشرطي الحكار”، فالحدث فيه شرطي بغا يدي تريبورتور لفوريان ومولاه كيطلب منو يتجاوز عليه المخالفة اللي دار، بدون دفع الغرامة، والشرطي بدا كيسب، ويضرب فمول تريبورتور بطريقة وصفت بكونها “مخزية”.
وعلى نقيض القضية الأولى، حتى واحد ما برر هاد العنف، أو قال باللي الشرطي تعرض للاستفزاز، وإنما كلشي جا في صف مول تريبورتور، وطالبو بتوقيف رجل الأمن ودوز عليه أقسى العقوبات.